Nuron matan getan
lodo tonga tede petalabuno
Angi kole uran warat
peten hukut ema noon bapa
rae dein orin onen
gelete tali ape nutok tou taan polo berenu hemer berua
Pe rae likat ape nutok
ema noon bapa goen rebos ue malar
tali garu tapo baran nein kame sambo ilu
sesa tale lela jaha nawa di aten onen
orin uran meten bele ape nutok take kae
ema noon bapa goen dein leba kenube
pego muko lolon raan jadi majon polo letu bunu kame
perae wato netak pe wato kedosor kame maan gembira ria
kantar tula jana terie kedenak polo munak wekekaen ekan bego
Pe nuan wata huli menuren tawa gere.ne kumin tua kae
pego naben tou ka rua taan tuno borik
pe lewo tana pe maka nolon peen morit mae jaha.....
perae lewo tana goen
