PUISI NEIN LEWO GOEN
Tobo dein
atek huran
sain senai beten dein liko lapak kame
pe dein
laran nama
koda kenirin dore kola kame
miten menuren
angin wulan warant
tonga gelinge koda kenirin genato hae
marin maen nala hamu kame pia
kaan mekan tali tobi wain
otek onek peroin perokot
gilo gerek tali wai polo taan mae berua
pe rae koli leren pukon tou
pe wato netak goe kaan kantar peten lewo
Pali wali goen doan jaha kae
doan marin dahe gete
koda kame sampe hala
ekan onem kuran
ekan onem bekel
Lewo goen...dore jaga ne kolak goen berua...
Thks Jesus
Senin, 23 November 2009
HEGE ATA LIMAN PAS PEHEN LARANTUKA
Goe bain rae lewo hau marin bain tene muri rae perae pile Bupati huun .Weken kaen kia tobo gete wekik HEGE ATA LIMAN PAS PEHEN LARANTUKA.Tenuen koda kenirin nolon "moe inem anem tenaken hepat teger ekan suo loute pe laran hau "Koda piin naan marin teti weken kaen" Moe hege ata tou ne berani dein marin goe piin pas pehen Larantuka"Atake diken pi wi benisan alant aja jaha kae.Wekenkaen petutuk koda raan benisan hala amu kae.Tite weken kaen mesi gete onot aten titen ..."pukon a naan ne ....luron laran titen nekun rua hena ..rae marin persisan teti Jawan umur nae abad 5 kae.Jadi goe gete maka abad lema kae we di taan tali laran aja muri bisa hala kae...pukon ile letu laran,pukon tahik liko lapak...weken kaen KULU MUDU alat hamu..petutuk propaganda aja jaha,nekun raik kerian a ne,nekun raan tobo te kursi di wejun uok hena .Pikiran kerian huun tenake,nekun tobo jaga hode gaji hena.Tite piin tawa te ga ne,otak kebuku nala naen...rae marin naran raen bele jaha,bele sai te ga,Larantuka ulin hama ne we ke we,ato tite tait pi dopa rae ile kolan papan,onot sama dote,Tite kia marin rae rae kola wahan,rae pelau eret dien di ketun wati more maka tite rae ile kolan papan.
Piin tali elen muri kalo tite pile ata kediken dore parte A,parte B,kia meten helut lewo tana.Hege ata yang bisa dein marin "goe piin kolongpohong hala" baru tite pile nae jadi kepala Larantuka.Rae pe tenuen nolon peen ekan di pile muri,seba kemamu beten,nae ne koda kenirin,kerian ,nete ana ono suku hala,kerian buun bain noko legulon...EKAN MARIN MIO PE RAE LEWO TANA GEHIK MAAN LARANTUKA METEN TALI MAE HALA,DEIN LEGU LEJA KELOHOK KELOHOK LEWO TANA....GOE JAGA HEGE ATA NE INEN ANEN NOON PE HAU PEHEN LARANTUKA......
Goe bain rae lewo hau marin bain tene muri rae perae pile Bupati huun .Weken kaen kia tobo gete wekik HEGE ATA LIMAN PAS PEHEN LARANTUKA.Tenuen koda kenirin nolon "moe inem anem tenaken hepat teger ekan suo loute pe laran hau "Koda piin naan marin teti weken kaen" Moe hege ata tou ne berani dein marin goe piin pas pehen Larantuka"Atake diken pi wi benisan alant aja jaha kae.Wekenkaen petutuk koda raan benisan hala amu kae.Tite weken kaen mesi gete onot aten titen ..."pukon a naan ne ....luron laran titen nekun rua hena ..rae marin persisan teti Jawan umur nae abad 5 kae.Jadi goe gete maka abad lema kae we di taan tali laran aja muri bisa hala kae...pukon ile letu laran,pukon tahik liko lapak...weken kaen KULU MUDU alat hamu..petutuk propaganda aja jaha,nekun raik kerian a ne,nekun raan tobo te kursi di wejun uok hena .Pikiran kerian huun tenake,nekun tobo jaga hode gaji hena.Tite piin tawa te ga ne,otak kebuku nala naen...rae marin naran raen bele jaha,bele sai te ga,Larantuka ulin hama ne we ke we,ato tite tait pi dopa rae ile kolan papan,onot sama dote,Tite kia marin rae rae kola wahan,rae pelau eret dien di ketun wati more maka tite rae ile kolan papan.
Piin tali elen muri kalo tite pile ata kediken dore parte A,parte B,kia meten helut lewo tana.Hege ata yang bisa dein marin "goe piin kolongpohong hala" baru tite pile nae jadi kepala Larantuka.Rae pe tenuen nolon peen ekan di pile muri,seba kemamu beten,nae ne koda kenirin,kerian ,nete ana ono suku hala,kerian buun bain noko legulon...EKAN MARIN MIO PE RAE LEWO TANA GEHIK MAAN LARANTUKA METEN TALI MAE HALA,DEIN LEGU LEJA KELOHOK KELOHOK LEWO TANA....GOE JAGA HEGE ATA NE INEN ANEN NOON PE HAU PEHEN LARANTUKA......
Langganan:
Postingan (Atom)