Mama Mia

Mama mia eeeee goe hukut moe jaha ooooo.Leron matan getan hukut moe jaha....Natal dahek tou mama...goe tutu ne hege ata muri wi...kia goe kaan be tani ulik goen onon.Mama eeeeee....selamat jalan mama....mama eee tede pa Inggu prae lewo berua..nae meha hena tobo ..matan naen di noro kabo rabo jaha kae...mama eeeeee ..mama eeeeee

Mama Mia

Hati ku hancur takan mungkin bisa bertahan lama dengan kondisi ini
Mama jauh didasar sanubari ku ....mimpi ku rindu ku sayang ku tak mampu lagi menoreh dihatimu
Mama aku pun tak sanggup menulis satu apapun disini.....karna hati ku hancur berantakan....Aku terlalu menyayangimu ...aku terlalu dalam dihati mu....Setiap saat disiang hari aku begitu bahagia bercerita dengan mu di hp namun sayang mama....aku meneteskan airmata ku....mama......mama.....mama....nanti kusambung lagi cerita kita ini....mama......

Sekeping Hati ku

Semuanya tersimpan dihati ku
tak ada yang tertinggal di jalanan
Mata hati ku menuntun raut wajah ku
berkelana hingga menembus pusara bathin
Tertinggal hanyalah seberkas foto tua
terpampang lusuh dikamar tua ku
Aku takan mungkin lagi mengejar hatinya
Walau tertinggal jauh
Namun nafas mu untuk ku selamanya

GIMANA CERITA !!!

Maaf kali ini saya pake bahasa Indonesia.
Hutan & Lahan pertanian di Larantuka  berubah fungsi.Sepanjang jalan ataupun nyaris di semua ladang / kebun yang dulunya ditanam jagung berubah total jadi kebun mete yang begitu luas.Inilah untung rugi hutan ini :
A.Untung ...
Meningkatkan ekonomi warga 
Larantuka hijau

B Rugi
Rakyat menjual mete hanya untuk beli beras berati bukan meningkatkan ekonomi .
Ketika beras mahal apakah harga mete juga mahal
Mete hanya dipanen raya hanya tiga kali
Tanaman mete bukan hanya mematikan benalu tapi semua tumbuhan takan sanggup tumbuh dibawah nya otomatis lahan berubah status alih fungsi
Ketika musim hujan yg berlebihan maka mete takan bisa panen yg banyak karena banyak yg rontok


Saya bukan ahli ekonomi tapi merasakan ada yang salah dengan kebijaksanaan ini .Hutan ladang berubah fungsi dimana petani jagung / padi diajarkan./dianajurkan untuk menggantinya.namun sayang siapa sangka petani Larantuka tidak bisa menanam jagung atau beras lagi karena lahan nya telah berubah fungsi.Jual mete beli beras..ilmu macam apa ini...!!!!

Kantar Goen...Jalan bae bae se by Nar Tukan

JAGA BASA WAIBALUN

Rae petutuk koda basa Waibalun noro keper kae.Wewel raen teka gelahuk ne basa Nagi,Indonesia.Hege ata ajar rae ka? Pake hala sama sekali!!! Tite piin ata Waibalun ..tobo jaga ne adat maka nolon sama taa taa..nekun ..meten lela rae gelupak wahak kae..tenuen menuren raan be basa ata raen iker kae.Pali wali basa ata raen maso te lewo kae...bauk ere rua ata sain mula amut te lewo titen..sain tite geker..lewo titen gewete kae....lewo nekun naran hane dein mor nekun aten ale Waibalun hala kae....

Leik limak geridin kaan kantar hukut lewo tana.Goe tobo olak tenaken kaan ne jeng jeka tobo te orin lango haanke.Pukon a ne tite ata Waibalun ne kantar titen nimun.Tenuen oyang titen nolon kia rae raan jaga lidun lebet lewo titen mae jaha.Raan kantar peten hukut lewo tana.....Kaka arin weken kaen te ata lewo tanake ...hukut kantar titen tou piin wi...." IE ANA IE ...IE..." ekan gewete oooo kantar piin ...jaga maan mae mae..ata iker kia sain marin piin kantar raen nekun goe marin kia kantar piin titen nimun ata Waibalun

Ata biasan te lewo tana Waibalun / Raan Helan tapun

Helan Tapun
Gere rewan gepu tapo huan beten ka tenuen kae.Tapo huan taan bakit wahak digekat neak naen.Nolon we ata raan be gau ne kenaru.Kenau hutun mesen deket poto tobo garu we noro kelea.Nekun pi urin ata raan be paro mesin hamu kae.Ata ema ema biasan naen tobo kenaru hutun .Liman wanan pehen tapo lali leren pe ke di limak neken lege heti hutun lodo.Paro pake ne limak di ata raan mor.Topo paro aja aja di tao te ember tou onen tali ne wai.Ata ema ema raan be tekaser wai neak pira pek kedi tapo huan pira.Piuk tapo sain lei telo enakn pewain bain pek kedi ekan kental bain.

Ape nutok hemo gere pe mulai dena sain bura.Ekan gelupak limak mesen lagor tasu.Ape di mesen raam be jaga.Meten pelate wai ne helan gelahuk wekike.Gute niba lemak wai.Meten lela mulai toi buran belopor kenen kenen peen naran naen kekin.

Kekin kalo warna naen meten coklat meten coklat arti naen helan tapun meten tahak kae.Lemak kekin tao te home onon di piuk di piuk terus sain helan mara.

Helan tapun tahak kae soga geki te boti onon.Kekin tekan pelatin more we temae.

(ekan bekel kaka arin weken kaen goe pikiran kuran aja jaha mor koda kenirin piin ..modi tali nimok eeeee…)

KODA KENIRIN

Peten : Ingat
Bao (lele)   : Terapung (Terombang ambing)
Tena : Sampan
Laja : Layar
Ojok : Gelombang

Nuha Waibalun: Kantar Goen

Nuha Waibalun: Kantar Goen

NONA PANTA MEA By Nar Tukan Album KANTAR GOEN

Nona Panta Mea by Nar Tukan Album Kantar Goen

Nona Karwaju By Nar Tukan Album Kantar Goen

Kantar Goen

Goe Hukut Nae jaha moreeeeeee...

Malam bae..pa besa..kalo moe morint mor ..biasa naen goe telpon moe taan tuhu geka mae jaha..nekun leron pi weli nae goe mehak kae..kaan koda geka ne hege ata muri...pe nokon peen we goe marin " Ekan takut pa besa goe horok malekat jadi tite ngebut di ahala..." peen koda geka terakhir goe ne moe.....Pa Besa ....goe peten hukut moe jaha wiiiiiiii...malam bae...onek belara jaha nekun taan be a wi ka...moe gere herun nene pa nene mama...marin rae ruak goe di peten rae ruak jaha ooooo...matak goen di wain tolor tobo hokut leron getan tite hama hama.....mio teti kowa lolon kae ...tede ne goe pia berua eeeee.....malam bae....goe proin jaha pia...hama biasa nolon goe nenan moe..ekan gelupa sembayang nein goe berua....malam bae pa besa..malam bae....

Denda

Tite ata waibalun mesen toir ne aturan adat tou naran nae DENDA...Nolon tenue rae jaga jaha ne aturan tou piin wi.Ekan maan nalan kalo moe onem ait denda hala.Biasa nae yg ait denda we ata kediken nalan ne kawen gate.Mesin leron tou gete tenuen nolon baru tite bisa toir  kada kenirin DENDA piin wi. 

Koda Kenirin

Wato        : Batu
Tana         : tanah
Kajo         : kayu
Wera        : pasir
Keleke      : Kerikir
Wato parank  : batu padas
Lolon         : Daun
Retin          : Ranting
Pukon        : Batang
Kerama      : duri
Huan          : Buah
Puhun         : Bunga
Amut          : Akar

Percaya ka take ??

"Baran nimun ata raam be jaga "....koda kenirin tenuen nolon raan paken baran baran adat te lango belen.Weken kaen ne koda kenirin naen masin masin.Ekan maan nalan ne baran baran adat we,pehen sento maan mopa mopa,koda tou peen ke we,gena ganti bisa hala.Tite bain aja jaha kae hae marin gute bala rete duun ,gelu kima lamak .Morit meten lela meten susa naan ata kediken di pikiran belaha hala kae.Kelean beran doi take kae gute baran baran adat rete duun .Rae gelupak baran wekekaen we te rajan nae noon.Hae rete duun /gelu wahak di teka beringi belara berihanke ka pana laran elen hamu nala papa.Tite parcaya koda kenirin piin hala di kia bisa hala hae.Baran baran adat weken kaen maso lango belen ne adat,susa sena morit hama hama, nekun tite ata kediken benisan alant hamu wali ku a,jadi naen taan tula koda opon wekit.Nekun goe percaya baran baran adat titen pe lango belen we baran gelaran.Ekan di sento,ekan di semo lemo,moe maan elent tou kae nae seba moe balik ulanke muri o.

Morit rae lewotana

Leron tou ema ne bapa goen marin goe ni wi " No e..teman moe aja jaha kae balik lewo..moe di dore balik hala ne...rae pia kerian maen hamu o...!!!" ei ema ne bapa e..ekan bekel nekun goe marin tou piin wi "Hege ata naan pana meranto lela jaha kae di balik lewo,goe paken nae coco hala morit te ata lewo tana,ato nae gagal jadi ana ranto".Hama ne goe nolon kenen mo pikiran di tenaken kalo bisa sain meranto nekun morit piin leron matan getan mesen beruba hala ne.Tobo dapet lango onon terus di mae nukor ka.Nene goen nolon ne pribahasan tou' dI NEGRI ORANG KURASA SENANG TAPI LEBIH SENANG DI TANA BETA"koda kenirin piin di maen hamu.Weken kaen todi pana hena.Nekun pali wali nuan piin wi goe onok morit te ata lewo tana mor.

No kropon belen meten tawa gere

Koda Kenirin

Pali nokon goe kaik kerian . 　artinya “ Malam ini saya berangkat kerja”
Pali = ini (waktu)
Nokon = malam
Goe = saya
Kaik = berangkat
Kerian = Kerja

Goe kerian te hotel . 　artinya “saya kerja di hotel “
Goe = saya
Kerian = Kerja
Te = di
Hotel = hotel

Ulik kerian goen te hotel. 　Artinya “Tempat kerja ku dihotel”
Ulik = tempat
Goen = kepunyaan saya

Goe kaik kerian gere motor artinya “ Saya berangat kerja naik motor
Gere = naik

Pali nokon wi uran warat jaha 　artinya “Malam ini hujan lebat sekali “
Pali = ini (waktu)
Nokon = malam
Wi = penegasan kejadian sedang berlangsung
Uran warat = hujan lebat ( musim hujan)
Jaha = banyak sekali / lebat

KODA KENIRIN

Koda kenirin
Irun : Hidung Hulik :Leher
Matak : mata Kumik : Kumis
Nuhun : Mulut Limak :Tangan
Ipe : Gigi Limak wanan :Tangan kanan
Wewel : Lida Limak nekin :Tangan kiri
Kewokor :Tenggorokan Semuit :Kuku
Rata : Rambut Alek : Perut
Tilut : Telinga Kepuhur :Puser
Rauk : Bulu Wekol :Pinggang
Kenito : Kening Uo :Pantat
Kotok : Kepala Lotor :Lutut
Leik :Kaki Udent :Tumit

KODA KENIRIN

KODA KENIRIN

NAWA = JANGAN
Nawa kia = Jangan dulu
Nawa hae = jangan ya

EKAN = JANGAN
Ekan hau = Jangan datang
Ekan marin = Jangan bilang
Ekan tobo = Jangan duduk
Ekan wengi = Jangan ribut
Eka plate = Jangan panas
Ekan tani = Jangan menangis
Ekan soga = Jangan angkat
Ekan terie = Jangan pukul
Ekan maik = Jangan pergi

ARAH
Pe lau = Di sana ( berhadapan laut)
Pe rae = Di sana ( berhadapan gunung)
Pe heti = Ke atas
Pe lali = Ke bawah

Hewan
Wawe = Babi
Witi = kambing
Aho = Anjing
Manuk = Ayam
Kolong / kolo = Burung
Munak = Monyet
Kerome = Tikus
Keletan = Cicak

My Billie

Ekan gelupa no ..bele gere moe pana mete ne ikiwaat titen ana ata Ile Mandiri...ekan gelupa lango mion pe nuha erent pe kapela hau we...moe modi bele gere ekan gelupa balik too lewo tana berua.....

Tawa bele gere ana goen e...goe dein soron leik limak jaga moe...laran goe buka soron moe..laran goen mopa mopa..dore maan mopa mopa...Billie Dominic Prasetya Wibawa Tukan

Soron nenan teti Kelen

Goe tobo geluker te kenatan pe orin kenen tou te lango goen haanke.Pehen ne gitar tou tobo kantar kaan hukut peten lewo tana goen.Tuun tou ne hulan buto kae kame looke lango ekan amun pana maik iak ne tenuen langoke raen.Taan be a weken kaen pana seba ganti morit nekun peten wekit hena berua todi dore seba laran maen maen hamu.Lela lokek aja kae nekun pali wali ka,e marin petutuk wekik susa sena tekan tenun malu mara te lango titen nimun te mae.
Kame balik iak te lango kamen nekun dipikiran jaha hege ata kame bisa nein percaya naan bote ana kamen.Goe tobo sembayan kontas tou.Goe nenan lewo tana tuan tana Dewa Lera Wulan nein nonin laran soron nein kame.Nae soron kame nemuron .Kame ait oa tou ata Manggarai sain tei ne kame naan jaga bote helak ana kamen.Nekun goe pali wali onok belara jaha .goe soga telpon rae lewo tana tutu koda ne ema bapa goen .Kame petutu rencana pesta 50 tahun pa besa kamen Fr Valens BHK.ema ne bapa goen meten tua jaha kae,rae raan a tou di roi hala kae,epu bine noon ama raen di susa jaha kae.Lero hama weria nolon hala kae.Goe koda giar luan koda bereket aja te bapa goen .Nae tani marin goen " No e eeee..dai ne no..dai ne no...peten kame pia hala ne ..kame ruak maan a tou di moi hala kae..kame pia tua leren kae...dai ne no e ..dai ne no e...no eeee.. no eee dai ne noe..." meten tani meten petutu te telepon onon."No eeee pukon a ne ne weken kaen maike ..ana tou di jaga kame hala...!" Matake wain goen di beurunte..."Pa e e....laran weken kaen Tuan Allah tao kae...kame modi dore pana hena..ekan bekel ekan onom kuran,ekan luan koda elen teka kame.."Nae tani meten bele...goe marin nae " Pa eeee..laran moen lurus jaha ..goe dore laran moen...lurus jaha ..moe marin a weken kaen goe dore moe jaha,nekun moe tani pali wali maan goe di gehik jaha,,,,susa sena nolon tite pana tekan tenun hama hama..kuran di tite taan meren hamu...baat di baat jaha morit nolon sain pali wali nekun tite ana noon bapa taan laran maen hamu...koda moen laran moen kame dore maan mae mae....ekan bekel ekan onom kuram....." Pali leron goe hukut rae ruak jaha....malam bae pa Inggu mama Mia...Pana Laran doan jaha wi pukon taan seba ganti nasib...ekan onom kuran ekan onom wekeren...taan hama nolon we tobosembayan hama hama te patung keluarga kudus...nenan laran maen hamu soron tite...malam bae...goe peten mio goe hukut mio jaha....

Koda kenirin

Hepa bela
taja lajak
koli wolit
miten pekedan
kolor wolor
Ginge risek
bilabu
kotok matak benger
uran warat
ojok golo
soka selen
semo lemo
genan gabon
kimalamak






 

Koda kenirin

Sayang atek pali nokon piin goe hukut emak noon bapa rae lewo tana.
Rae doan ile lewo liko 
maan tonga tede di moir hala kae
Kame ana ata raan be sare
pana doan balik gawe laran papan

kenawe bolak liko laran kamen
Nenan wai matan pesol gere
jaga gera malu mara 
kame naan telo dein golit kebako
pe tukan kelamatan tapo ebo 
pe tangga kedosor  pukon 
maan atek onek sena
leron maen  daten take
pupul koda kelean beran maan naan ama teloke

rae ape likat luran 
ema noon bapa lain luan naran kamen
bolak laran belok dore  koda kame jaga lewak wahank

TEMAE ATA KEDIKEN BENISAN BEGO GERE

Goe lega suo te Facebook noon naan petutuk koda kenirin prae lewo hau,wekenkaen nuan piin petutuk lain koda "HEGE ATA HENA ROON NARAN GANTI BUPATI HUUN".Goe tobo geka alek sain gelerek.Koda petutu pelerek pelerek hama rae ata benisan alant hamu we.Ekan dimarin a we ka.Koda heke weken kaen te ata benisan alant hamu.Goe marin te onok "uok uman kenapunt hamu".Rae marin koda raen maen hamu,onok atek raen maen hamu.Pek ke di rae gete muri,hege ata yang temae yang bisa dein naan jadi bupati.

Koda kenirin weken kaen maen hamu,nekun mio tede ne peten rae tenuen nolon ka rae yang teik rae ile kolan.Morit raen sederhana jaha,rekan renun ketuun hala,logek lipa senai pe wekik hena,lango dein di leder ,renu wai di noro pe.Morit raen hama ne kewe nekun roi nokon legulon leron hena.Rae proin prokot aja hala.Rae nekun marin a naan lera piin pelate putuk jaha,anaan uran sain hala.Rae pikiran hala hege ata naran bupati,camat tao rae di gete hala bupati raen kerian a hena kae.Morit raen pana dore Dewa Lera Hulan.Koda raen nekun tou !" piin tenekan ka piin elen"Rae pikiran aja hala hege ata jadi bupati.

Rae tobo berkumpule te waterleden raan tuhu geka wekik.Marin wekik raan maen hamu.Koda raan elent tenaken.Weken kaen maen hamun.Nekun pi wi ana raen raik sekola raan jadi ata belen hamu kae.Balik lewo raan petutuk ne bahasa logat gehan kae.Rae mulai suk ladak lewo tana.Piin elen,piin mesi ni wi,goe main mio mesin dore .Pe weli nai we,koda ata benisan alant wali ku a,naan ata lewo tana bisa te pereto berua ka a.Pek meten lela nae naan wekin naen meten benisan,dore bulet babak wekin te patai politik,loge ne dasi jadi nae ata belen tali ne pangka ata benisan.Goe sekola lau tana jawa,goe piin bisa kaan lewo tana tali mae muri,koda goen elent tenake,mio pile goe,goe kaan mio meten mae muri.

Goe marin mio weken kaen ata benisan alan we" Mio gen wata ata lewo tana raen,mio menun wai ata lewo tana raen,mio gen doi ata lewo tana raen,pek kedi mio marin mio piin ata benisan alant kae?...uon uman nala kenapunt,mio maan a kae soron lewo tana.mio piin bego helut dore hulan hala ne.Maka mio peten ata lewo tana ne kalo mio te kerosi hutun kae,peten saja mio pikiran ketun hala mo,maka mio tula laran nein lewo tana.Mio piin benisan alant hamu jadi mio maan a weken kaen dore koda mion.

Goe kia kodi tobo sembayang hena ka,polo ata benisan alant rete pana laran raan maen hamu ka.Goe di herank berua,teman goen genato te facebook goen marin dukung ana ine piin wi,sain pali wali goe tapan koda kenirin tou dihala.Mio piin hege ata tou ne bisa ganggu gugat pikiran goe taan tuhu tenulak naran naen.Eeee...goe heron nae (calon bupati) palin wali te toko mitra 10 onen,nae hope keramik kia naan langon naen sebole,kia nae pelala pelea ne goe ne,tenaken.Pukon nae kena goe hala ku a jadi nae majan goe hala.

Nekun noro susa jaha nemuron pile ata kediken titen raan jadi bupati ka camat ka.Tite piin toir kae ka,rae tobo teti hutun kae,rae reso uok kae,tite biin belema selepot wahak.....rae piuk tite sain sisan kuhan di tenake,mei titen rae renun isek raan wahak.Rae raan jadi bupati we rae teik prae lewo nekun rae heke kae langsung helut,pinda teik te Jakarta,Jawa,Bali,morit raan sena wekik rete ne doi titen nimun prae lewo hau.Ekan bekel mio ata benisan alant hamu e...goe marin koda tou piin..."ekan di gute pirin lamak ata lewo tana raen,moe maan rae meten benisan di a hala nekun moe hukut ne lewo tana....lewo tana dore mei moen sain kepo,kalo moe maan mete laran elen

Sambung 02 / Cerpen : Oa Lena Kebarek maen tou

Rae ruak pana wegit raan beran hamu,hala ku a biasa nae guru raen dein pe pendopo sekolah erent,naan tobo gelinge geliar hege ata yang sain palin urin."He he he..Lena ..pai pia menghada goe pia! "gupk pa guru Paul dein lipat liman meten kebeler lena." ai hele,mata goe pali wali,Pak paul epet goe..."Lena meten te onon dug dag sama sekali."A naan moe sain pali wali telat jaha...tema moe weke kaen maka neku kae moe beten bego ....tede pia ...goe tutu ne moe wi.! pa Paul meten kerabit hala ku a,nae noir kae kalo soban naen lewa nolo kae pek ke di peken Lena urin."moe tede hege!" taka pa guru,goe minta ampo!."minta ampo a..leron matan getang sain paling kola,peten tenuen moen hala wi.Rae genato moe pai sekola ti nekun mae opon akal rae.".Pa guru hiin nae nemuron sama sekali.Koton naen benani hala tonga tede gere."pali wali goe nein ampo te moe,nekun moe maan ulange muri,moe modi moi ,goe kaan a ne moe,moe bain i Lena,pana rae maso kelas onen ,ekan sain telat muri!" "terima kasih aja jaha pak guru.""heenn ...kae we ,pana kelea ..! Pak guru Paul kerabit ne Lena pukon nae Lena ne pak guru Paul rae mei tou mor.Pa guru Paul aden ne anan naen we Lena.Jadi nae kia gehi jaha kalo ana onon naen ait masala te sekola.

Lena plae naan beran hamu maso kelas onon.Matan naen berani hala tede ulin te kola naen.Pukon naen pekola naen we soban naen tobo."moe a hala hi...Pa guru Polu wereken ne moe...."gete soban naen dore kola pai naan be biseke ."A ka ..ekan ganggu goe...tobo meren kia ...!.lena tapan soban naen hama noro kerabit berua soal naen soban naen pile laran te dahe dari pada nae.........Bersambung.....

Waibalun ne Seminari

Leron pertama goe ramak leik te Seminari Hokeng,bapa tuan tou gete goe ni"Maaf anak aslinya dari mana?" "Dari waibalun Pater!""O Waiablun ka...banyak yang masuk banyak juga yang keluar"Naran Paroki Waibalun te Seminari Hokeng we bele sama sekali,mungkin tite taan regestrasi ex seminari waibalun.Rae marin Waibalun penguasa te Sesado.Goe marin kia nemuron.Tite Waibalun nekun paroki kenen tou,ata raen iker hama Paroki Larantuka,Solor,Adonara,Maumere,Ende.Tite gehit gabon ne Jawa alant hala.taan tete wekit mehat.Pak Guru Servas marin goe ni "Kalian orang Waibalun dari orang yang baik sampe yang jahat semuanya ada di Seminari,tapi saya akui orang Waibalun menguasai segalanya di Seminari.Taa nekut bal te plein dari kiper sain penyerang ata Waibalun te aja.Taan badminton kia tite mehat yg pehen reket.Taan benisan /santo santa peen di noon hamu.

Waktu pertama rae marin goe hame teti hutun ne we, goe tobo pikiran kia tite ata Waibalun hau sekola te Seminari maksud naen kia temaka ilmu hae ka.Goe marin rae kame hau wi ku a maksud peen we tenaken.Nekun pukon naran Waibalun te Seminari bele aja jaha kae jadi naen tete naran Waibalun di noro baat kae.

Hae iker sain marin " ei jangan kita te berani me orang waibalun".Nekun goe marin jasa belen tenue oyan titen nolon yg maso te seminari sebenar naen rete naran Waibalun mae jaha .Sain kame yang maso pi gere di rae hormat ata Waibalun jaha.

Nekun goe pikiran nemuron koda piin wi ka" tite maso aja jaha nekun lodo di aja jaha"

CERPEN : Oa Lena Kebarek maen tou

Penoko wati tonga tede jam nurun nemun kae,Baba beten turu hogo.Lipa warna serebint loa te kenatan hutun langsung pelae kamar mandi onen.Hebo siren gelohuk naan kelean hamu.Gute deko labu seragam te kelmatan kolan ,loge naan beran hamun."no Baba e,gon huro wata bua hala !"guok maman naen meten dein te kelmatan dapo haanke."kae we mama,goe kelea berant wi"tapan Baba meten gute tas sekolah ,pelae naan beran hamu. Ema Bunga tede naan be herant sama sekali,leron onen wi ka nae gehi gaan penoko wati hala.Biasa naen menit telo di nae ekuk nane wata.
Doen mor ata ana berkewain tou,ratan loun belahan loke dein jaka pe tobi belen pukon meten guok " Hoe..hoe.....Baba ...Baba...goe pia,kelea berua!!!!!!""Moe jaga maka neku kae wi...ekan bekel e,goe turuk hogo telat di.."Baba marin meten heuk dag ."Ei moe..goe bole jaga gelek ti wi moe peli turonk hege ata ka sain gelupa hogo hala"tapan Oa Lena."Ekan marin ne ka Oa ..moe moi goe ni nekun neku nokon goe turonk moe ka "tapan Baba meten tede kelipi Oa Lena ."Moe dein nera ...ekan wejun waja..dein di nera te ke we....plok ..plok plok....."Baba gute kajo au terie keteke meten rogo rega pe dahe ne Oa Lena koton gere."Ei Baba e..paon paon dimaen ka,nekun keteke hena di moe terie sain hepa bela wahak."A wi iii...weken kaen goe kaan pukon moe ka,goe jaga moe hala ne "sambo Baba tali koda polo naan Oa Lena gelerek aten onen."Moe..peneko wati di moe rayu goe kae..."tapan Oa Lena meten pehen Baba liman."Ai Oa e...goe mata morit kete hukut naran moen,ekan gelupa pali wali goe marin moe,goe suka moe sain dunia lewat wahak nain."Oa Lena meten tali onen berea meten gelinge te kala naen haek ata iker bain ka tede rae ruak raan be sobak penoko wati mo.

Genta rae sekala SMP alan kae."Oa lena kae we e...moe mala laran pi rae wi, goe kala laran papan wainke" Rae ruak bagi wekan laran masing masing pukon naen aturan rae sekola raan be soba bisa hala ....................................Bersambung.........

Leron hulan pana kelea

Letut matat nekun berua hena ,kedoko hogo leron ganti kae,hulan sain tuun ganti nawa hamun kae.Tite bain hama tite piin ata keren kelotek mor nekun umur titen pana kelea sama sekali.Piin bain hama turont hala kae,piin nemuron sama sekali,pali wali tuun ribu rua ne pulo kae.Hege ata sangka tuun ribu ratu hiwa ne pat goe pana meranto.Tege lege,nukut nakat leit limat,pana berajank pia ata lewo tana.Pana tait doan doan pukon seba ganti nasib.Kalo tite nekun tobo tekan tenun turut hena te ata lewo tana peen kia nawa temae,elen naen bele loke.goe tula koda tou ni wi "pali goe gere motor bisa kae,nekun ata iker pali wali rae di bisa gere oto kae,pali wali goe gere oto rae iker bisa gere pesawat kae".Goe pikiran kalo tite tematan hala maka tite nawa tekola terus,nekun tonga tede hena.Nekun koda goen piin bukan raan seba awaat taan aja nekun maksud naen" ekan sombo te ata lewo tana" Leron pali wali goen nekun marin onet rae ata kuasan kae,ekan di telen ilu,peen ata raen,pek kedi kalo moen noon kae moe mesen tonga tede ata iker lebe kuasan dari moe.....pana tede teti hutun ne lali leren.Ekan maan dore suka onem moen meha di bole hala.tite morit ne ata kediken aja jaha.....ato koda basahan goen tou piin wi " inem anem tenaken ekan di ginge gerisek sain ata lewo tana bain moe ni wi....pana lere lere...hukut  laran inam anam moen....

Koda kenirin goen piin tuun huun piin....

Atek onek gelete uran warat
koda majan jaga liko lein liman
Goe turuk tonga teti wolo lolon
goe majan marin naran liman matan getan
pe lali keneka wowol onen
goe lipat tao koda wai buran
Jaga goe liko goe ata ema inem nona

Likat luran naman wai bao lelen
Koda sare waret goka hode kame
doran kame nawa punan,maan mete toda kame
gera bego pi laran wai angat pukon
Laran kamen nimun ata raam be liko padak
Moe jaga kame ne naran kamen
sudi kudi jaga kame...ata suku,lewo punan
hupon gabon kame pe leit wolor lolon
pi koda piin kame jaga maan be lenggor
 Moe pi likat naran kamen
Ata lewo kame
jaga kame pali wali ne leren iker matan getan...........