Wekik badan

Rata  = rambut
kotok = kepala
tenogel = dahi
bahu   = hanak
iruk = hidung
matak haunk = bulu mata
alis= alis
kelipi = pipi
nuhuk= mulut
ipe = gigi
kumi = kumis
tiluk = telinga
mata kokon = bola mata
limat = tangan
siku = sikut
semuit = kuku
alek = perut
tuho = susu
korok = dada
kepuhur = pusar
wekol= pinggang
koak = paha
uo = pantat
lotor = lutut
leik = kaki

kodi sambo muri..balik turuk kia....

Wekik noro mae hala ... Belaran berihank

Nokon piin onok sama kolon,wekik sama pelate dokter marin pelate sain 38.7 sama dijejenk...turuk napun gakat belone sama hege hege.Pela goe hukut nene mama goen marin wekit kalo noro bain elen berua we weli lepo ata nona lolon we.Seba pia ata banjar / bale desa erent ata nona pukon tou,pai udun kewae goen hamu wekik goen .Nekun kewea ata jawa muri asal ne hamu sajan meten geka di.Nekun goe marin nae .."piin wi maen gila hala o oa...nemuron nain wi !" Dokter di nein pelea oba di aja loke,tenun di kedagel hamu di.Kae we goe gere turuk bunuk ne kaen panja galuk sama puna polo wekik ewun mihik .....Pali wali goe hukut hama nolon mor..............malam bae...santo pelindo goen...Malekat pengawal goen....santo Antonius Padua...santo Ignatius Loyola...mama goen ..nene pa nene nene mama goen eeee goe nenan sembayan soron goe berua ooo...malam bae ....

Tuan Allah eee..pali wali hari Minggu....hukut peten loke penoko wati mor genta peli alan nene mama ne nene pa hogo tobo nyecis wahak kae.Tobo ne kontas pehen mege mege.Ekan marin huro wata kalo mau tait weli misa peen bole hala perenta rae ruak.Sain rae ruak tua pana rewe rehik kia baru rae marin hee kame heke gereja mai nekun hari minggu te lango mesen hama weli gereja onon we...............pe leron peen hukut mor sain pali wali...........

Unto rugi mae date ne koda basan titen o

Bejuga di goe ne koda basan nimun ...tobo uli kerian onon ata hae wengi wangak ne goe ..dein nanok ne koda basa goen ka haaa hege ata tou kiar ,koda nimun di,rae roi ekan hala sama sekali ooo,bain sama sena . nekun rae gete goe peen we artin naen a tou ka... goe nekun tobo geka hena ka . Malam bae kaka arin weken kaen e....turuk bae heti lali ka keragan hener pe tiluk ka temajun hepak pe wekit mesen kedoko hogo oo ..ekan dilemen nai we. Hama tenuen nolon marin we lewa dai hore mio di bain ekan hala sama sekali we haaa..kae we pali nokon matak noro teneher berua di kodi sambo bauk ere rua muri...santo Antonius Padua ne Santo Ignatius tobo pele liko nokon leren getan soron goe..nene oran weken kaen eee...jaga sayang goe ...ema goen pete kelen lolon ..goe sayang moe loke ..malam bae

Pe Leron mama goen teti kelen hutun

Koda adat weken kaen wahak kae,belake di setuju wahak kae,pate bala beolans di getan kae.Ema goen ana pertama,Nae mata nekun pa kamen pate bala kuran ka genai ,ka pukon ema kamen bine weruin jadi naen kame ana pate bala beolans.Piin wi pengalaman kamen wi.Kame ana ata telo belakin hamu muri wali jadi naan koda weken kaen bene senusan.Hae marin kame bine take jadi bala pate lebu bisa hala,nekun goe tobo sain bodok wahak sain pali wali...pa goen ne ema goen goe paken ata kediken palin miskin pi lewo goen onon.logek lipa di maka tuun pulu rua di hekat hala pukon koda raen nekun tou.." moe gon menun pekehutun hala mor we di noni dekom huun te ata iker !" Pa goen matan naen rabon maka kene mor jadi naen tobo naan meren hamun petutu koda diaja hala ..sama sekali bemeren ..koda tenaken nae peen we.Mama kamen mata kame balik rae nekun weken kaen geker pukon urus adat nekin wana kame moi a tou dihala. Ata lewo marin kame "no eee letu peti we mio hala ka..peen we belake rae yg letu ! mama eee ata lewo tutu koda nekin wana nekun goe marin nekun letu peti hena wali di mesen jaga ata iker ...maka pain wi kame ana telok buun bain sesa sena tite hama hama di ..hege ata sain soron liman ne aten naen ne.Weken kaen tobo heker wekik marin ni i ni i,nekun goe koi tite piin sayang wekit mae loke.

Nekun beten hulan rua weria we ata hae rae lewo hau marin kame pate bala beolans kuran juta rua wati wali ?.Kame telpon gete no belen kamen.No kamen peen we mae loke sayang binen naen loke .Nae marin " koda a wati mor ne ..weken kaen wahak kae hala ne...hege ata tou ne marin getan hala mor ?
Tobo gete heti lali akir naen kame moi kae koda palin wali hege ata tou ne nete wekan welak ata weken kaen.

Goe tobo gete wekik wi :
1.Pukon a ne adat titen taan be tulis hala tou pai marin piin ni wi tou muri pai marin nete ni i.Peen nolon  kae pi wi ni hala kae....
2.Bine we gelekat belakin hala ka genai ! susa sena deko kerimot talin gelahuk di bine haur hala ne.
3.Belake pangka bele loke nekun belake we mama goen naan hala ne ,pana adat mesen nengga ne taan sain bugeraget mesen tait belake langon di mesen ne juru bicara kame ana onon dore bisa hala piin kerian suku raen kae .Leron matan getan tite wi kaka arin hala ka ? sain hari penting sama sekali di tite sambo wekit bisa hala ?
3.Ata maten wi tite sain tete ne pangka belake,belake tobo tenda onon ..piin wi taan genai wi...tbelake belake nekun piin wi ata maten di tite gelekat sama sekali ...sain taan tobo sembayan ka ta gelekat wekit  wi ? nekun mio sain maan sembayan nemuron ka take ? sembayan wahak tenda menun menun ata tobo raan ido ?
4.Ata maten wi PUKON a ne taan hama bo PESTA BELEN tou wi....wawe koton buto wi ?
5.Ata pii urin wi raan hama nolon hala kae ! .....onok peten lewo tana karna kemudi tena piin wi pana elen nekun tite gesik pasan laja hala ...angi bu lau dai tite pasan laja meten lau....ekan bekel kaka arin weken kaen mio baca koda kenirin goen piin wi.....piin pengalaman goen ...bukan pengalaman mion hala..kalo mio onok kuran ne tulisan goen piin berarti teka goe hala ..karna piin pengalaman te NIHA kamen ono ...NIHA WOHON hala

Rindo hatu malam di Waibalun by Bernard Tukan

JANJI DI KAPELA WAIBALUN By Bernard Tukan ( kantar goen)

JANJI DI KAPELA WAIBALUN By Bernard Tukan ( kantar goen)

Genta peli Gereja santo Ignatius bene alan pertama mor nekun nene mama goen tobo necis kae,pehen ne kontas kenulun warna miten nae gere redok goe pe uli ono " hogo we a,ekan pemalas ,mion leron nemu turuk kerian sena mae loke kae nekun leron tou soron Tuan Allah di pemalas loke wi ,hogo bera ! " Hari minggu gor tobo siap kursi ne meja tou soron nene pa naan terima sakramen karna nae pana lein noro kidiridin jadi nae udun goe marin bapa konfreria antar hosti soron nae.

Misa balik lago ,tea kenemin ne bolo kesumbu mama goen naan tao pe meja hutun.Tobo menu maan hama hama .Bolo kesumbu peen we mama goen naan kelenge sama sekali .Leron mata getan naan bolo peen hamu pukon ue malar kamen aja loke ,nawa ne kara belen bapan hamun.....koe we kodi sambo muri kaik balik turuk kia matak odo sama sekali

Tobo tani peten Ina by Bernard Tukan ( Kantar goen )

ONCU E E by Bernard Tukan (kantar goen )

ONCU E E by Bernard Tukan (kantar goen )

Ema Maria by Bernard Tukan (kantar Rohani goen )