Pali goe buka FB , goe baca FB ade goen Riston , goe baca kaan paon paon nae tulis koda basa titen ,koda kenirin aten onon naen, goe tobo komputer erent matak goen wain belurunt, goe nekun marin te atek goen onon " tuan tana dewa lera wulan mio pana mete rakun rekan weken kaen kae,mio toda ema bapa rae pana teti kelen hutun kae, nekun peten tede lode ne ade kamen berua siu ne ,majan marin rala laran anen muri ,wai wato liko lebu laran raen ,soron liman moen lodo polo bisa jaga banto morit raen berua ....tuan tana dewa lera wulan....peten peten ne ade kame berua
copy paste koda basa ade goen Riston Tolan
Goe Ata Keriden
Lero nodi pana
Mete weli mete doen
Go tobo kodi maja
Go turuk kodi pete
Ata tou ditapa hala
kedike tou di bo kudi
Susah ana ata kriden
Naa bine prae ile kola
Kaka ari lau tasik papa
Tobo kodi perohi
Buka onok ne hege ata alat
Tani maja kodi mehak hena
Taa be a lara Nae geha
Pana molo peke kame ana
Gena ata lewo budi mae
Susah tuda pia ata lewo
Rata di rabe gasik
Semuit di ata rodi senaya
Nasib go ana ata keriden
Susah tuda kodi mehak hena
Sena gere go onok hala
Pana doen pi ata lewo
Seba morit sare
Lera nabe helut
Pete ne goe ka take
Nasib go ana ata keriden
