Natal nolon rae lango goen
Minggu tou sebelum Natal mama mulai gete kae, No mama naan bolo a , mama naan Bolo Kesumbu e. Bolo piin sebenar naen gampa loke . Bajo ue malar sain belusuk di ayak nae di sampor ne wai , ne gula di polot raan limak epan rua di maso tasu ono.
Kantar Gloria te Gereja onon bain sama mae,balik pe laran di taan be dengung kewokor onon mor kantar misa Natal. Balik misa legulon sepat lau berobok oyan rae pasan paduk weken kaen getan .Sembayan berua di balik weli sion pa ne mama limak.Tobo menu teh hama hama te meja belen di pana maik sion nene nene rae limak.
Leron puna pana hode sion limak kaka arin weken kaen getan , tobo tuhu geka gerenga mae loke .Muan tou goe lali sion Nene kame Bae liman,nae soga liman di pehen eret goen , nae marin goe " irun moen wogat loke ..irun moen wi hama iru goen ..moe kia bura hama goe hae ".Goe peten nae loke karna matan naen tede bisa hala nekun nae naan onok goen sena loke .Meski matan naen tede hala nekun nae hukut kama weken kaen berdasarkan ra (suara) kame weken kaen .Nae bisa tobo pe kelmatan rekan ,Nene Bae nene Bala ...selamat Natal .....
Kalo nene goen mama Peni Betan Ne Nene Pa Todo Boli Tukan ...rae ruak piin wi hama di santo yosp ne santa maria .Teit ne rae ruak aturan nae jelas ..penoko wati hogo weli gereja leron getan , nokon jam 7 harus tobo te lango dore sembayan keluarga,Hari minggu hamu elan bole hala perinta Allah marin rayakanlah hari Tuhan tona benamo bole hala. Saat masa tua rae ruak morit hama hama ne goe .kalo nene pa nae tutu aja hala nekun takun te pa goen loke ,kalo nae hiin goe ka marin koda toun ruan ne goe maka nae perawi ekan marin pa moen e ,kia pa moe hiin goe we.Nene goen mama Peni alias peni kenipet haaaa peen ekan dilain gelupa ekan nawa naen pukon nolon suka rekan renun vitsin ajak wali jadi pengaru sain te kotok muri.Penoko wati jam 3 nae sogo goe hogo udun raik misa ,goe di tede jam hala hogo lap seka eret matak wahak di marin pana ruak maik gereja matak goe tonga gere tede te jam dinding heee ema goen santa eee manuk gokok dihala mor di haaa .Muan tou kame waok mekan hama hama di lewa jam tou nae hogo sogo goe ...Ena ...Ena eee nene mama alen malu jaha wi ....moe nein nene mama gan hala ...moe date loke di .....haaa goe hogo di toda nae rae meja di marin ni ..pi nene mama tede buka tudung saji ono wi wata noon mor ka take ,kalo take berarti tite tekan kae . haaa
Morit hama hama pi lango titen mae loke ..."kodi sambo muri ...SELAMAT NATAL 2017 ) peten hukut pa goen mama goen nene nene goen ..oyan goen weken kaen peti kelen lolon .......
Tidak ada komentar:
Posting Komentar