Manuk gokok lera weli pelohe kae
ina goen hogo sowak kenawe kae
genta weli gereja di alan kae
bapa goen pana lerin weli kae
nuan piin onok matak kuran
atek dewa tani kaan atek onok
peten hukut majan marin naran
mio goen e....goe peten mio loke
pasan padu legulon matan getan
tobo lenggor soron kontas tou
pe lera ekan mite gere nai
goe genato koda kirim teti kelen hutun
mio ee goe peten mio loke mor
Doan loke kae nekun eret matak goen atek goen morin mor hukut tani di tobo kaan merenk hamu
Rabu, 26 September 2012
Jumat, 21 September 2012
Doa Hendak Berlindung
Pali wali goe onok berea loke halaku maka nolon sain pali wali kia goe bene koi ketun nane ata marin sembayan Hendak Berlindung .Ade Oa Laura / Face book onon goe tobo tuhun tahin nae akhir naen we ne nae tulis te fb nemuron .goe neken take di copy paste pi ono ka....sembayan piin belaha loke nekun di wewel sain pali wali ketok tak diketun hala ...wewel polen gadak heti hau nemuron hamun.Trima kase aja loke oa Laura ..goe paken kalo moe teik prae lewo maka moe bisa jadi bo ketua santa Agnes Renha Rosari kae o .
Nokon geten nene kamen Peni Bethan wi ka,tobo ketenuk loke mio piin anen ne sembayan nekun piin hena di hukut bisa hala.....goe nekun tapan nae ni di " nene mama e..nolon we ata sembayan alant we tene tou ,nekun sekarang wi ata kediken aja loke kae ..jadi sembayan peen we mesti taan ne singkat berua temae...polo santa bunda di kewenger te mae " Nae dein hiin gahak goe nemuron hamun ka......sembayan kontas lema getan kae..santo santa pelindo weken kaen di reken kae...ekan moe marin gelupa sembayan piin wi .....
HENDAK BERLINDUNG
Hendak berlindung Ya Santa Bunda Allah, kami datang berlari kepadamu. Janganlah kiranya Kau tolak permintaan kami , dalam kesusahan kami . Hanya luputkanlah kami selalu dari segala bahaya.
Ya Perawan mulia dan terberkati ,ingatlah Maria perawan yg amat baik, bahwa belum pernah didengar . maka seorang yg berlindung kepadamu meminta bantuan mu dan mohon sembahyang mu sudah kau tinggalkan oleh mu juga.
Ya perawan segala perawan, Ya Bunda kepadamu berlari aku, digerakan oleh sedemikian itu. Kepadamu aku datang di hadapanmu aku seorang berdosa , berdiri seraya mengadu.
Ya Bunda Al kalimat, jangan aibkan perkataan ku, hanya serta berkasihan dengarkanlah aku dan luruskan lah permintaanku . Amin
Nokon geten nene kamen Peni Bethan wi ka,tobo ketenuk loke mio piin anen ne sembayan nekun piin hena di hukut bisa hala.....goe nekun tapan nae ni di " nene mama e..nolon we ata sembayan alant we tene tou ,nekun sekarang wi ata kediken aja loke kae ..jadi sembayan peen we mesti taan ne singkat berua temae...polo santa bunda di kewenger te mae " Nae dein hiin gahak goe nemuron hamun ka......sembayan kontas lema getan kae..santo santa pelindo weken kaen di reken kae...ekan moe marin gelupa sembayan piin wi .....
HENDAK BERLINDUNG
Hendak berlindung Ya Santa Bunda Allah, kami datang berlari kepadamu. Janganlah kiranya Kau tolak permintaan kami , dalam kesusahan kami . Hanya luputkanlah kami selalu dari segala bahaya.
Ya Perawan mulia dan terberkati ,ingatlah Maria perawan yg amat baik, bahwa belum pernah didengar . maka seorang yg berlindung kepadamu meminta bantuan mu dan mohon sembahyang mu sudah kau tinggalkan oleh mu juga.
Ya perawan segala perawan, Ya Bunda kepadamu berlari aku, digerakan oleh sedemikian itu. Kepadamu aku datang di hadapanmu aku seorang berdosa , berdiri seraya mengadu.
Ya Bunda Al kalimat, jangan aibkan perkataan ku, hanya serta berkasihan dengarkanlah aku dan luruskan lah permintaanku . Amin
Selasa, 18 September 2012
Angin nete koda moen
Oa goen sayang
koda tou batak hala
suka sayang moe
sain laran gawe uman kodi dore
peti kelen hutun ekan sama neek
petala buno koko hulan gewajan goe
tobo ledank pi tenidi piin hukut marin moe
sayang piin wahak hala
angi dai nete ne kodan moen
pantas hala tite gute wekit
oa goen sayange
pukon lau tana sina jawa ne wai buran kae
moe peken goe tobo mehak
sayang piin sampe hala
kowa miten pana liko hulan kae
tobo ledan kolak digelek kae
oa goen sayange kodi seba ganti tega muri
koda tou batak hala
suka sayang moe
sain laran gawe uman kodi dore
peti kelen hutun ekan sama neek
petala buno koko hulan gewajan goe
tobo ledank pi tenidi piin hukut marin moe
sayang piin wahak hala
angi dai nete ne kodan moen
pantas hala tite gute wekit
oa goen sayange
pukon lau tana sina jawa ne wai buran kae
moe peken goe tobo mehak
sayang piin sampe hala
kowa miten pana liko hulan kae
tobo ledan kolak digelek kae
oa goen sayange kodi seba ganti tega muri
Koda maen goen ………………………….
Bine pi laran bala
Tapi goe balas kudi
jadi hala mo
Raan dore mio gewajan
limak
pohe binek selen gelekat
dore mio dore mae loke
pohe binek selen gelekat
dore mio dore mae loke
Tenda weli hone kae
rekadu pana getan kae
toda bine maso suku
ganti balas bala pai
rentu weli sedan alan kae
bala weli maso lango kae
goe selen sayang bine roon rete kae
bala welin nekun bine lebe te welin kekan
rekadu pana getan kae
toda bine maso suku
ganti balas bala pai
rentu weli sedan alan kae
bala weli maso lango kae
goe selen sayang bine roon rete kae
bala welin nekun bine lebe te welin kekan
koda maen goen ...................................................
koda peen, leron pali wali
Pukon koda walas weli balas hala
pokon roon bine kamen welin take
ro liko koda ekan pana laran kamen
Maan pana laran teti
mio padak laran punan kae
morit piin nekun hama ne wato mean
tana liat mor hege tou ata hemeg
pi gere kediler bura kae
mio tobo hug beg welin piin kuran piin
pana pate heke wahak hala mor
sayang hukut koda kamen nolon
inek anen kame take ekan tobo hukor ata raen
susa pe laran rae Wato Netak
hungo tapo baran pe lali Lamawalan
kaan kodi hukut koda weken kaen
nuan peen gahak tahan wata lali Heras
pe Nuha eren dai kaan gere tobi
pukon morit seba ganti nasib
pukon mata ata raan be laran ehan
tede tou hukut rua
pile tou gena rua
liko e koda basa ate huran goen
Koda maen goen ……………….
Kaan dore rian uman pukon
Tolo leik napun alek
Lera gere weli helut kae
Pana pe Wai Uto walet tenupor
ekan peen pe lera gere
nuan wata kumin tawa gere
lepo gepu moton lolon
majan ina ana golek meja
tobo hama hama pe rian uman pukon
pata leke loge kous buran
majan marin naan belakin belen
pana sare lere ekan toal lali ata umak onon
ekan peen pe lera gere
nuan wata kumin tawa gere
lepo gepu moton lolon
majan ina ana golek meja
tobo hama hama pe rian uman pukon
pata leke loge kous buran
majan marin naan belakin belen
pana sare lere ekan toal lali ata umak onon
Pe liko ka take atek beloran
pe toda ka take dore sajan
leran waat benaan pana leba dore
pe toda ka take dore sajan
leran waat benaan pana leba dore
Koda maen goen………………………
Doan piin loke kae
Niku lau pi laran lau nai wi
lewa miten punan nait betit
tonga gere di ekan hulan geruhunk hala
doan piin larat te ga kae
Angin dihen gelete gerokot wekik
lkaen lipa matan kenen kenenan
tobo geluker marin onek
lewo e…laran piin anen doan loke
turuk di turonk hala
atek sama belara ,tobo nekun gehan herenain
doan kae Wato Gokok di koi hala kae
lewa miten punan nait betit
tonga gere di ekan hulan geruhunk hala
doan piin larat te ga kae
Angin dihen gelete gerokot wekik
lkaen lipa matan kenen kenenan
tobo geluker marin onek
lewo e…laran piin anen doan loke
turuk di turonk hala
atek sama belara ,tobo nekun gehan herenain
doan kae Wato Gokok di koi hala kae
Tobo hukut kaan naran weken kaen
Koda maen goen …..
Langganan:
Postingan (Atom)
Goe ne wekik goen
Nolon kene mor pa goen marin 'ekan manja wekim moen bain,moe ata kaya rayan hala' Koda piin goe kete sain pali wali . Ata iker tur...
-
Pali wali goe onok berea loke halaku maka nolon sain pali wali kia goe bene koi ketun nane ata marin sembayan Hendak Berlindung .Ade Oa Lau...
-
Silsilah Raja-Raja Larantuka 1. Putri Ile Jadi,Putri Watowele (Yang Kawin dengan Raja Pati Golo Arkyan) 2. Raja Padu Ile 3. R...
-
Saya benci Orang Waibalun.....begitu lah kesan saya pada taon 2004 saya pulang kampung ...suasana perjalanan yg begitu melelahkan namun ter...