He go peten peten nuan rae
rae ata elan belen tite taan sare lere
he go telen ilu alek kebotin take
luan lau meik ate huran bura
jadi go jadi pali hae
leron ate ole genan lere lere go jaga dein
kudi laran rae lewa jaga bala
kame genan laran ata raen taan be a di hala
peten kame pia laran doan kae
leron palin go hukut ema no bapa rae dein jaga kame
pe kelamatan mio dein hode kame
doan kae pali wali go sain too mio
rae keban hutun atek onek mae di loke
kodi tali lewa matan peten onek taan tali gere
mio pe rae ille maindiri pasa witu ola geta rae wato ekot lolon
koli baran pai piuk tapo taan hekek sia tobi
peten go peten hukut mio morit
taan mae hamun morit rae
tanah le belen Waibalun
lau nuha goen
rae ile maindiri
laran doan gelu lipa beten
malu mara piin dore lali gelu gena bala
hepat laran wahan pana
sare gawe ata raam be genan
he go e tite piin wato milan
sare gere pai pia taan gawe
wekan laran dore
goe piin ata tuan tana
koda elen go genan mio atek huran
