malam bae oa e e e e
e oa buran e
susa sengan kabar dai iiii
iiii i dai bera dai
goe niku rae ema no bapa tobo jaga pe lorong nuha hau we
tobo jaga loge ne lipa miten noro benian berua kae
tua lere jaha kae...tobo jaga eren pira ana weken kaen balik too rae
rae lango bele no Luga bethan langon..pe rie ebo jaga liko pele suku
dein tawa taa nawa naen jaga ana belaking weke kaen balik lewo
kame ata telo belakin nala hamu...
lewa liko morit doan rae nuha lorong hau
kame moir hala mor erent pira kame balik lewo
kame ata telo naan belakin hamu
pana larang doan jaha kae
ema noon bapa rae lewo leron getang nein kabar hau
no e... eren pira balik too kame....
ema noon bapa ekan kuran atek ne kame
kame pana doan nekun seba ganti nasib
rae lewo tana kame piin ata bemilan alant
rae sedan kame sain lali tana uman onon
nekun pia ata tana kame pana metek leik rua limak rua
peten hukut leron tou kame balik lewo
Goe tuun pat kae balik hala
No tenga tuun nemun kae balik hala
Non belen tuun pito kae balik hala.....
kame pi dein pia atak lewuk tana
dein lodo mula lodo tawa ta morit gere
seba laran te laran sare onen...
ema noon bapa tuun wain kame balik te pesta Pa Besa Fr.Valens BHK pesta emas naen
tite taan pesta kaka arin nooan bine ama wekekaen lau lango no Luga Bethan nae.....
Malam bae
ema noon bapa e....
sembayan nein kame leron matan getan
kontas ekan geto...nekun kame ata telok...noon ama mehak.....
malam bae.....malam bae malam bae ema noon bapa....onek koda aja hala kae
nekun hukut mio ruak pe depo haank we....pelala pelea wekik maan maen hamu
jaga wekik mio ruak maan mae mae sio....kelen berang sogatelpon kame...
kabar berita kame maen hamu......malam bae...malam bae..ema noon bapa e.....
