Pali wali Goe petutu tentang Pariwisata FLOTIM,goe tutu koda tentang " LOONKE / WEDANK " Mancing.Tamu goen ata rua Mr.Tanabe ne Mr.Imura,umur pulu nemu ne buto ne tou wainke pulu nemu ne lema.Rae ruak piin tema mae jaha .raik rala ga maka nolon kemamu mor raan hama hama.Tuun werian rae nenan wedanke te Pulau Rote/ Nembrala Beach.Rae onek berea sama sekali .Rae teik te Nembrala Beach leron pulok lema.Goe pertama seba Nembrala susa sama sekali sain pali wali telpon/Telkom tenake mor nekun pariwisata naen mae jaha.Tuun matan getan rae raan lomba Surfing,ojok naen bele jaha .
Hulan telo weria rae ruak genato goe e mail,rae onok marin mancing rae lewo titen "Larantuka,Adonara,Solor" mulai tanggal 21 November 2009 - 6 Desember 2009.Goe tobo pikiran jaha piin kaan be genai ka.Goe telpon kaka arin prae lewo gete a wekenkaen.Mulai tranport jemput lali Maumere,Hotel,Kapal mancing.Data wekenkaen goe pehen kae,nekun onok goen kuran tou wati mor,piin soal alete ...rae bisa rekan a prae lewo,goe lole jaha kae balik lewo hala jadi pikiran noro takut berua"tanggo jawab taan be genai wi"Goe di elent noon geheik telpon dinas pariwisata ato dinas perikanan hala.Goe tobo pikiran tamu ruanke piin wi petutu nekun basa Jepang hena,prae lewo kia nenggenai.Rae ruak nena goe dore rae,weken kaen rae tanggo nekun goe look kerian pe hotel bisa hala.Goe telpon no Bedi Marang ,nae ne kapal Fiber,nae mae jaha ,Nae marin tamu goen dore mancing ne rae di ahala,pate hala.nekun rae onek mancing Cakalang hala,taan be a i no Bedi.No Tono Tukan ekan bekel e,nae yang tukan lobi oto,hotel,leron getan goe telpon nae terus,gete jaha lewo tana nenggenai.
Goe marin rae..perae lewo tana kame ikan we tenepa tajak,ikan a we weken kaen noon hamu.Ekan takute kalo pali wali mio rae lewo kame mai hala nekun ikan pe rae we wahak hala.Jadi tuun anen mio maik rae lewo kamen ,mio tetap dore ait ikan .
Tanggal 20 November 2009 rae ruak herun goe te Partenza Tour,petutuk ne rae pekedi rae nenan marin hulan maret 2010 rae rae lowo tana Larantuka,Adonara,Solor rai......Eman tlilun goe noro geker..pali wali kame maik rae jadi hala ,moe tolong ator kame pali wali maik te Nembrala ulang muri,Goe ator tiket pesawat GA te kupang ,rae iak nokon tou te Kupang Beach Hotel,pe kedi penoko wati gere kapal feri cepat weli Rote rai..Te pelabuhan Rote Om Mus/Nembrala hotel jemput rae ruak.
Budget mancing perorang :
1.Ticket DPS - KOE return Rp,1.750.000 X 2 pax = Rp 3.500.000
2.Hotel Kupang Beach Rp300.000 X 2 room X 2 nite= Rp.1.200.000
3.Antar jemput Kupang Beach Hotel Rp.120.000 X 2 way = Rp 220.000
4.Ticket feri cepat Rp 150.000 X 2 pax x 2 way=Rp 600.000
5.Transfer Pelabuhan Rote - Hotel Rp.750.000 X 2 ways = Rp.1.500.000
6.Nembrala Hotel Rp.350.000 X 13 nite = Rp.4.550.000 x 2 room = Rp.9.100.000
7.Kapal mancing Rp1.750.000 X 12 days = Rp 21.000.000
Total Rp.37.120.000.
welin weken kaen tali ne pengeluaran pribadi wati mor.
piin nekun pengalaman goen hena, kalo tite perae lewo ator weken kaen maen hamu pasti atak kediken aja jaha onok mancing prae lewo tana.Pemerentah Lewo Tana harus raan marin kame pelaku pariwisata polo percaya kalo weken kaen perae lewo tana a weken kaen noon hamu pe ke di tali ne fasilitas pariwisata harus menunjang semuanya.
Pi nokon piin kia goe pikiran terus..RAE MARIN HULAN MARET BALIK TE LEWO TANA ..KAAN BE BE NAI WI...................
