Nolon kene mor pa goen marin 'ekan manja wekim moen bain,moe ata kaya rayan hala'
Koda piin goe kete sain pali wali . Ata iker turuk onok sama sena sain keboor maka goe tobo tege lege buun bain kerian legulon sain rebaon nokon sain legulon . Turuk nekun jam tou ka jam rua .meta hae ait turuk hala sama sekali .Kerian piin sain piuk ewun mara te wekit . Kerian hala maka gon hopot robak alem moen ne a. A heti lali ata iker ne nimun raen hamu . Ekan ilu geros ekan telen ilu moen . Sain pali nokon piin di goe marin wekik 'Tuan Allah e...kerian piin bain gelek hala nain wi kerian sain tika ile sain ewun mata te wekik di tobo hodor mor wi .
Goe nekun wekik goen .Kekuatan goen yang paling bele heke we nekun koda tenuen goen " moe morit guna hala kalo nekun tobo beolank tenaken ' .
Ata iker marin gete gelur 'no e ....moe hege ata anan ne ..kame kena di moe hala wi ..meranto maka tuun pira kae wi '. Goe nekun tobo heka korok goen ne limak goen .Sain ile toban di goe piin mei worak goen ata Waibalun ...goe hukut weken kaen nolon morit rae lewo goen .. dari pasan turo sain reban laak, dari iro moton wain sain salto lau kewakat hutun di goe hukut mor.
Goe nekun wekik goen gere gerakit tuak pe ongo wato ma'e sain gerakit tapo eu lali berobok Lamawalan rekan di goen kaan hamu kae.
Malam bae kaka arin weken kaen .Tulis hala maka baca hala baca hala maka ata gelupa ekan nawa naen . Seregu geru geer berua polo moe ne naran moen berua . Olam tenaken ekan dein pe ata tenesen
Tua Allah ator laran titen ne laran titen nimun kae
Tidak ada komentar:
Posting Komentar