Malam Bae Kaka arin wekekaen
Neku leron te Partenza Tour ,goe tenurun te meja kerian goen.Bos goe ata Jepang majan goe tapi goe bain dihala sama sekali...."Beru.....Beru....hommae daijobu desuka,nan de office no naka ni nettaichata......bakka janae desuka....!!!! Nae tuma paut goe nemuron sama sekali.....Summimasen sacho san ......gomennasai,,,,,,," i i i dayo...hommae tsukareta desu ne....goe tutu ne nae kalo goe hulan buto kae gute kerian nokon te hotel ...Goe horon ne nae kalo goe ait kerian huun.Nae gehi nein goe lodo hala te Partenza Tour karena kame ruak maka pertama maan travel piin.Goe dore nae tuun pito kae,jadi kame ruak hama kaka arin.Nekun leron hae goe onek heke kerian ne nae,goe lamar kerian te hotel maka pulu ruan ne rua kae,tapi nae gehi loa goe hala.Jadi goe kaan be horont kalo goe ait kerian piin,
Leron matan getan waktu hulan telo more...setiap penoko wati kaik kerian pasti taga ata kedike terus....soalnya matat odo sama sekali.....leron tou nekun jam rua goe ait turuk...peen juga bisa kalo ana goen juga dore turu ne goe.Kalo take maka 24 jam matak goen letu hala sama sekali.
Wekekaen pelajaran welin jaha.....kaka arin,teman teman goen wekekaen hiin jaha nekun goe paksa terus......lela meten lela sain pali wali hulan buto goe kaan kerian piin......
Goe bersyukur jaha waktu goe kuliah nolon ,goe ait bos ata korea alant....nae mae jaha ne goe....goe marin nae kalo goe harus kerian meten sekolah karena goe harus pate doi sekola mehak.Nae di onen mae jaha ne goe....akhir nae nae nein goe kerian kalo setelah goe kuliah balik baru maso dore kerian.staff iker onek kuran ne goe jaha,nekun goe kaan maen hamun ne rae...karena balas budi bos mr.Khang jadi nae goe kerian dari jam 12 leron sain jam 11/12 nokon...nae mae jaha ne goe....setiap nokon nae masak masakan korea ,bulgogi,kimchi chige,bim bim bab,nein goe kan.setelah tuun pat ne nae..goe pinda keria te DFS Bali Galleria,nae gehi sama sekali..nae marin kalo moe onem maik ekan balik muri...tapi setelah hulan lema muri nae sain seba goe te DFS ..nae nenan goe balik kerian nekun jam tou ka jam rua di ahala.akhirnya setiap nokon setelah balik kerian dari DFS jam 10 nokon goe heke weli restaurant naen,kan kenu te ulin nae pe ke di bantu kerian te restaurant nae sain jam 12 nokon.Goe pikir nae pate goe nawa dimaen tapi hama ne hala ..setiap minggu nae pate gaji goen.....goe percaya hala kalo nae mae jaha ne goe....lela muri goe heke kerian ne nae...goe konsentrasi skripsi sain wisuda wahak nae sain seba goe muri.Nae marin toda goe weli Korea mai..nekun tou morit harus taan maen hamu ne atak kedike weken kae
