Kemamu kebarek
murawana
Suka wekik
Genato salam
sobak
Rekadu
Hono ape
Roho robak
Ape dapo
Sepi sira tahan
Sapu tangan benutak bolo
Tutu koda geto
Baca naran
Weli witi bala
Petutu koda ikit waat
Bala robun
Bala ganti ilu
opu
Belake
Koda wahank
Pana hua malu
Rengki rentu
Soka selen mura ae
Gong genda
Lamak
Wawe wora
Wawe selin
Ema rekadu bapa rekadu
Tobo ohan
Witi
Leba bala
Lui e
Kewatek senai
Hone tenda
Ana suku maso lango
Loma
Senin, 09 November 2009
Kamis, 05 November 2009
Senin, 02 November 2009
Mae date pe tana kamen Waibalun
Mae date pe tana kamen Waibalun
Pe rae teluma pukon dein
pe dehe ne ata nona pukon leren
goe tonga gere kolon boun tou
bele sama sekali,limat gelerek jaha
gute wato belupor miten tou terisi gere
pas teka te koton nae,lengat sama di bodo
Ape nutok tou pek ke di dera kaan pelate
tobo dahu bain sama pelemank.
Nolon lali Welo lali berua dahene gerat
hukak puko belen belola jaha.Hukak peen ekan dilawan
mesin tete ne kartupel biha kolon ra,kolon beka meten doan sain gehik
teik te hala kae.
Lali Welo..e ema e
peen hama te kelen hutun,takut Welo isek tite nekun onet berea jaha
ata iker seba ikan susa jaha nekun tite taan be sedan ait iken gele aja jaha.
Teti Wai Uto
Peen mae jaha ,kima lamak aja jaha,kima sola,nekun guit berua hena ait tenepa.
Teti Wato Gokok..ei mae peen e,taan nekut te wera belaha jaha ,leit limat sain kemuk lelen nekun taan nekut terus.wera peen belaha jaha.
Lau Nuha peen ekan dimarin muri,hetot,weda wegit,gimank,hebot tahik,bersenang peen uli sama mae,tuno wata,seok wata a weken kaen maen hamu lau nuha,taan tede harin,ikan,pasa belutu,salto heti wato lolon sain dongat rae air hukak sain lau nuha.
Pe kemamu kebarek kamen Yong Kudi raan bal roi jaha,genink terie lawan rae ata iker di kenlenge jaha.Hulan kebala gere ..ei ema goen ne…pe Elan belen pe Kapela erent we,hege ata maka kantar hala,dolo pein sain tana pemus gere di pusin hala,manuk gokok,lera gere di rae raan sole mor.
Pe tetu weken kaen piin wi …Lewo Titen ..Waibalun…”gilo gerit kemi dulat weken kaen nawa uli tou,pe dein tukan, pe naran maen ,tana maen…..WAIBALUN”
Pe rae teluma pukon dein
pe dehe ne ata nona pukon leren
goe tonga gere kolon boun tou
bele sama sekali,limat gelerek jaha
gute wato belupor miten tou terisi gere
pas teka te koton nae,lengat sama di bodo
Ape nutok tou pek ke di dera kaan pelate
tobo dahu bain sama pelemank.
Nolon lali Welo lali berua dahene gerat
hukak puko belen belola jaha.Hukak peen ekan dilawan
mesin tete ne kartupel biha kolon ra,kolon beka meten doan sain gehik
teik te hala kae.
Lali Welo..e ema e
peen hama te kelen hutun,takut Welo isek tite nekun onet berea jaha
ata iker seba ikan susa jaha nekun tite taan be sedan ait iken gele aja jaha.
Teti Wai Uto
Peen mae jaha ,kima lamak aja jaha,kima sola,nekun guit berua hena ait tenepa.
Teti Wato Gokok..ei mae peen e,taan nekut te wera belaha jaha ,leit limat sain kemuk lelen nekun taan nekut terus.wera peen belaha jaha.
Lau Nuha peen ekan dimarin muri,hetot,weda wegit,gimank,hebot tahik,bersenang peen uli sama mae,tuno wata,seok wata a weken kaen maen hamu lau nuha,taan tede harin,ikan,pasa belutu,salto heti wato lolon sain dongat rae air hukak sain lau nuha.
Pe kemamu kebarek kamen Yong Kudi raan bal roi jaha,genink terie lawan rae ata iker di kenlenge jaha.Hulan kebala gere ..ei ema goen ne…pe Elan belen pe Kapela erent we,hege ata maka kantar hala,dolo pein sain tana pemus gere di pusin hala,manuk gokok,lera gere di rae raan sole mor.
Pe tetu weken kaen piin wi …Lewo Titen ..Waibalun…”gilo gerit kemi dulat weken kaen nawa uli tou,pe dein tukan, pe naran maen ,tana maen…..WAIBALUN”
Rabu, 28 Oktober 2009
Hulan Maria
Lera noro ekan mite kae,Koko hulan tawa gere,Genta weli santo Ignatius majan marin tite weken kaen loda epul wekit weli Gua Maria susteran CIJ.Lonceng lau bapa Bene /lonceng lingkungan di alan jaha kae.Pana lerin weli Gua Maria.Soga sembayang kontas lema tali ne kantar maria ,pe nokon peen we dein di bain gelek hala,kantar Salam Maria bain onet sama di pelemank.Bapa konferia ne ran ata suster alan bain sama mae.Bain hama tite te taman Firdaus onen.Gua Maria peen lela jaha kae...lerak pukon tau tawa pe haank nae,tenaro lelet jaha ,peen arti nae atake diken leron getan sain sembayan te Ema Nona Maria erent.Mata patung ema nona Maria peen tede di nawa mae jaha,hama nae majan marin tite " no ana goen pai tobo dahe Goe"Sembayang kontas lema geto hala,sain terakhir nae ne sembayang "Hendak Berlindung" sembayang piin nekun tite mehat toire.Rae jawa Bali alant raan roi hala.Belaha di belaha jaha,wewel petutu di elen jaha hamu nekun todi taan
Rabu, 30 September 2009
TUTU KODA DI TOI HALA KAE
Lewo meten bele,ata kediken di meten aja, weken kaen hepuk dak prae lewo.Morit lau tawa taa ne lewa,meten rae ile bisa berua nekun tuun pulo muri kia menu ketekel.Heti papa brobok onen kae,Lali di lewo mulai menun kae.Lewo Waibalun meten bele jaha kae.Lewo meten bele ??????? atek huran Waibalun meten bele ??? piin kia meten susa tite petutu koda.Wahan nae te ga ulir nae te ga di meten lela seba gelinge meten kabo rabo.
1.Lewo meten bele ?????
taan tede dore uli uma ,tite marin meten bele peen nemuron amu.Nolon lewo nekun heti papa berobok lali papa wato ra peen di doan jaha kae nekun pali wali meten bele sain lali Gerat / Lamawalang.nolon rae heke te Susteran kolan / wato kota lolon,nekun pi kia sai rae wato kedosor kae hae.Bele di bele gere kelea jaha.Lewo tengan nolon te Kapela Santo Antonius / elan belen ,pi wi hepat lali Tana sengketa kae.
2.Atek huran Waibalun meten bele????????
Goe sajan perion perokot peten koda kenrin lewo tana hege ata naan tobo jaga lase demu koda ata lewo naran.Piin wi taan liko padak ne a di susa nawa naen.Marin taan be a di kia grokit wahak kae.Hege ata naan tobo jaga liko lango belen ana suku koda wahank,weken kaen mete bele nekun atek alen huran meten kenen.Naran Waibalun peen we wahak hala nekun alen huran naen kia kepo hae ka.Lela jaha kae jaga liko nekun hama tite tede pi urin wi ke a ,tite,goe,nae moe ,weken kaen ana ale Lebalun taan petut ne koda basa Waibalun di taan toui hala kae,koda kenirin kia kepo di toi hala hamu.Lewo meten belen mesin nae meten aja di toi ilu ale tana titen.Gelupa berua di bisa hala hae nekun wewel,leit limat meten susa liko ata iker sain suo geluwor koda kenirin titen.Tite ekan marin koda kenirin tite gewete bisa hala,pi urin wi aja jaha kae ,koda kenirin gewete,lewo tana gewete pukon tite jaga lewo taan toi hala kae....
Lewo goen bele gere pukon atek alek huran goen bura menuren jaga tana ekan.....pi liko ,gelekat tite weken kaen taan pe tutu pelala pelea ne basa titen nimun...Tenuen rae nolon kia onek berea jaha tite taan jaga napun gakat lewo belen ne atet alen huran Lebalun.....
1.Lewo meten bele ?????
taan tede dore uli uma ,tite marin meten bele peen nemuron amu.Nolon lewo nekun heti papa berobok lali papa wato ra peen di doan jaha kae nekun pali wali meten bele sain lali Gerat / Lamawalang.nolon rae heke te Susteran kolan / wato kota lolon,nekun pi kia sai rae wato kedosor kae hae.Bele di bele gere kelea jaha.Lewo tengan nolon te Kapela Santo Antonius / elan belen ,pi wi hepat lali Tana sengketa kae.
2.Atek huran Waibalun meten bele????????
Goe sajan perion perokot peten koda kenrin lewo tana hege ata naan tobo jaga lase demu koda ata lewo naran.Piin wi taan liko padak ne a di susa nawa naen.Marin taan be a di kia grokit wahak kae.Hege ata naan tobo jaga liko lango belen ana suku koda wahank,weken kaen mete bele nekun atek alen huran meten kenen.Naran Waibalun peen we wahak hala nekun alen huran naen kia kepo hae ka.Lela jaha kae jaga liko nekun hama tite tede pi urin wi ke a ,tite,goe,nae moe ,weken kaen ana ale Lebalun taan petut ne koda basa Waibalun di taan toui hala kae,koda kenirin kia kepo di toi hala hamu.Lewo meten belen mesin nae meten aja di toi ilu ale tana titen.Gelupa berua di bisa hala hae nekun wewel,leit limat meten susa liko ata iker sain suo geluwor koda kenirin titen.Tite ekan marin koda kenirin tite gewete bisa hala,pi urin wi aja jaha kae ,koda kenirin gewete,lewo tana gewete pukon tite jaga lewo taan toi hala kae....
Lewo goen bele gere pukon atek alek huran goen bura menuren jaga tana ekan.....pi liko ,gelekat tite weken kaen taan pe tutu pelala pelea ne basa titen nimun...Tenuen rae nolon kia onek berea jaha tite taan jaga napun gakat lewo belen ne atet alen huran Lebalun.....
Jumat, 25 September 2009
TAAN TUHU GEKA..HEEEEE
WAI MATAN LALI BAMA
Wai baa rae ile hau nekun matan tou hena nein ata Lamaholot renun,hebok,baha.Taan todi gete wai peen hege ata raen.Wai peen maka nolon kae,maka nolon Tuan Kremens lali Bama di noon kae,Belanda alant raan ne pipa nein wai pana sain teti lewo.
Wai Bama peen lout terus heke muan dihala mo.Pana pe hau ba bao lele sain teti jawan.Goe tobo peten onek gete wekik goen,tite ata pi hetin alan hebot baha nawa di dee jaha ,leron matan getan tite meten kelohok…….Wai Bama peen mae jaha ,naan tite morit tuun ne tuun matan getan.Nekun lali Bama nawa hama ulin peen we.Rae teti nekun roi wai ba sain te lango raen nekun peten hukut ne ata Bama alant hala sama sekali.
Oyang kame Bala Marang teik lela jaha lali Bama,naan jadi tukang kajo dore Tuan Kremens,Nolon Bama peen jadi tempat idola ata kebarek Le balun raan jadi ulik penaink nokon tou,rae plahan te lango oyan kamen, rae pana hungo arak rete gelu tahan lali Lewo Laga,Nobo etc “ a naan ne ata Waibalun rete arak gelu ne tahan pek ke di rae rete duun teti Jawan”
Goe tutu geka koda tou piin mae jaha….ata ema kamen nolon rete wata duun teti Balela..”jual jagon…..!!!!!!!” “jual jagon …” hae teti lango onen tapan “Ei ema e toran disini te makan jagon legi…..!! leron kenetel jam tou …..”Ei ema beto ka te makan jagon legi….” “ sini engko lia jo ka ema …siapa dia maka makan jagon…”ema ata jawan tapa ata ema kame……lewa menit tou di wati more rae bain raan ata ana belakin tou te lango onon….” Ema kita te tahan legi ..makan jagon te tero…..”Tutu koda piin goe kewenger bain Pa Besa goen Fr.Valens Tukan BHK…nae tutu goe tuun tou weria we.Nae turu te lango goen ,meten lile ball …..tobo geka wahak hala……Kodi sambo tutu koda muri wati more…kerian aja jaha ….
Wai baa rae ile hau nekun matan tou hena nein ata Lamaholot renun,hebok,baha.Taan todi gete wai peen hege ata raen.Wai peen maka nolon kae,maka nolon Tuan Kremens lali Bama di noon kae,Belanda alant raan ne pipa nein wai pana sain teti lewo.
Wai Bama peen lout terus heke muan dihala mo.Pana pe hau ba bao lele sain teti jawan.Goe tobo peten onek gete wekik goen,tite ata pi hetin alan hebot baha nawa di dee jaha ,leron matan getan tite meten kelohok…….Wai Bama peen mae jaha ,naan tite morit tuun ne tuun matan getan.Nekun lali Bama nawa hama ulin peen we.Rae teti nekun roi wai ba sain te lango raen nekun peten hukut ne ata Bama alant hala sama sekali.
Oyang kame Bala Marang teik lela jaha lali Bama,naan jadi tukang kajo dore Tuan Kremens,Nolon Bama peen jadi tempat idola ata kebarek Le balun raan jadi ulik penaink nokon tou,rae plahan te lango oyan kamen, rae pana hungo arak rete gelu tahan lali Lewo Laga,Nobo etc “ a naan ne ata Waibalun rete arak gelu ne tahan pek ke di rae rete duun teti Jawan”
Goe tutu geka koda tou piin mae jaha….ata ema kamen nolon rete wata duun teti Balela..”jual jagon…..!!!!!!!” “jual jagon …” hae teti lango onen tapan “Ei ema e toran disini te makan jagon legi…..!! leron kenetel jam tou …..”Ei ema beto ka te makan jagon legi….” “ sini engko lia jo ka ema …siapa dia maka makan jagon…”ema ata jawan tapa ata ema kame……lewa menit tou di wati more rae bain raan ata ana belakin tou te lango onon….” Ema kita te tahan legi ..makan jagon te tero…..”Tutu koda piin goe kewenger bain Pa Besa goen Fr.Valens Tukan BHK…nae tutu goe tuun tou weria we.Nae turu te lango goen ,meten lile ball …..tobo geka wahak hala……Kodi sambo tutu koda muri wati more…kerian aja jaha ….
Langganan:
Postingan (Atom)