Ema Maria by Bernard Tukan (kantar Rohani goen )

Nawo mama goen teti kelen hutun

Mama eeee lera piin pana di meten kelea loke...ekan mite di belaha hala kae ,turut napun belone di peten hukut moe loke.sayang peen pe lango titen peen we naa goe hukut moe kete kawa.Leron matan getan goe telpon moe,gete moe genai,weken kaen mae loke.Mama eee kame telok nimok petu letu peti moen,kame nimok leba waat moen,taan be a muri tobo proin onot di bole hala kae,weken kaen kaan be kete soron teti kelen hutun.Mama e penoko wati jaha mor moe pana laran kae,manuk gokok wata kenuma mok telo sampor ne tahan mok tou moe biho soron kame.
Mama e goe hukut nolon goe TK mor moe ait penyake Tumor rahim,hulan tou moe teik lali Maumere,Pa besa Fr.Valens sayang moe loke ,nae nete moe noon sain sare di toda moe balik pe lango onon.Goe gere SMP di moe marin beringi hama palin wali ulang muri ...moe piin eee sayang kame loke .belaran berihan nekun tobo pe ape luran, lerin heti lali duun ikan welak tou ka rua ,ka hulun moton ne ue lolon ,ne paja puhun mete duun peti jawan.Balik hau mete doi ribu lema ne ratu lema.Hope tahan mok 6 ,kebako sek tou  pe ke di moe tobo tolo lein moen pe tangga we.Mama eeeee muda huan bele bele moe mewan duun pe laran rekan we.Topo huan piuk taan helan tapun.
Goe tobo marin wekik pali wali "ata kuasan alant raen ajan nekun titen nekun bote wekit tobo tede pe kelamatan erent we..mama e moe marin  " no ee ekan di ilu geros we peen atan raen..titen hala...bele gere kerian maan mae mae polo moe ne baran nimun " mama e goe peten moe goe hukut moe goe gelupa moe hala....

Kenito piin eee

Leron hae pake hala sama sekali di kenito piin wi ,gelupa ekan sama sekali.kia ata marin teka vitsin ajak we noro nemuron ka genai di toi hala.Leron hae sama di kedasen .
Nekun nolon goe hukut sama sekali di ,nene mama goen ne kotak obat te ono naen we ekin nekun pel kenine hulo sain lema.Teka belaran berihan tene hena di terekuk pel kenine hamu di.Pel peen we tenun mesen gere turut mihin halaku bain sama odo di, Kae we goe lobon kopi berua kia di ,matak di keperepen ketun hala mor,matak tain di lap hala mor.Lagor gula kia...

Uran angi onon

Uran bele loke tobo dapet ape ,wekit noro kidi ridin ,ape hemo jebul pe gere nai.Gelete digelete halaku koi uran hama bo toi wai hebot we,gelohuk uran.dein pe lango tenesen teka wai uran srint srant bain sama padan.
Uran tabu todo tenuen belakin dein gere heti loteng hutun peresa lango uma belowor ,pe ke di seba gabus weli nena tenga kame bensin pe motor onon kete pai di temek gabus kete gere hopot lebut sen beuman peti heke dai.



   Uran warat onon pai pana lerin plali Ongo plali Heras,pana tonga gere tobi huan menuren kenen mor wi sama aja loke.Gere hagak tobi hutun di lau nena sia pe ata lewo leren rae kaan toto ne tobi menuren.Lali sain ongo onon pao Paja huan sama bele bapan toren woel sain pe orin hutun.Tite ola man ne Pa Belen Pei Larantukan ne ,Bapa Bolo .Rae ruak mengase goe mae loke.Doen mor rae guok goe kae ..."Nar eeeeeee pai pia wi perkajus kenuman huan sama bele ,pai gerakit oooo...." Keraman kedila we ekan belihur bain ,ekan srega bain we.Kebahi pukon belen tou pe ongo tenga we,kebahi peen huan kenaken nekun naen busan utan wi horon pe hutun hamu.Kolon boun di aja loke,tobo tula belebet . ...................kodi sambo muri ,jam kerian onon mor di...

Lango Kamen

Pana meranto peken lango ekan amun..piin gampa hala,lango peen kame morit susa sena weken kaen pe lango uma kamen ono.Nekun piin taan be genai wi.Lango ne elan bele mae loke...pendopo taan tobo tolo leit teka angin dihen pe lau dai ka tede gelinge nuha di mae sama sekali.

dapo kenen tou pe ono we kuban belen tou .Woga peen we goe maso dapo ono matak waink goen tetik pukon peten hukut mama goen.Nae newa ata nona ka hope muko lali Oko haka suka naen tao horon pe woga ,ne kara ka kota onon .Mama eeeeeee leron tou muan goe gete moe " mama e moe horon a tenahan doan doan loke di goe ait hamun oo...ekan horon muri ooo..pi lango ono nekun goe mehak hala ne ?" mama eeeeee....kame peken moe mehak prae lewo wali....tun tou rain kae..pene tene muri Natal ....bolo moe maan soron kame di goe gete hamun di...bolo kesumbu peen we ..onok sama berea nekun pali nokon goe peten hukut moe loke......Mama eeee moe mehak rae lewo iii ekan onom kuran pa Inggu kame moon hau polo kelean beran nae te haag kame...mama eeee susa tuja pe leron peen we...kame peken moe hala...malam bae mama..goe sembayan soron nene mama Peni ne Nene Pa Todo ..rae ruak sayang pa Inggu loke....
Goe pana kaan be genai muri..moe take kae....sayang goen eeee tobo detan korok hukut moe..mama eeeee

Onok kolon loke di

Kan kenun a elen ka..eret matak kehue sama sekali pali wali wi...tobo uli kerean heti lali bain alek sama hama bo remba we.bain sama menun.Kenun wai pelatin ,pije hulik di pohok bo bain lodo dihala.
Morit prae lewo to mae wi lepo ata lolon dihapun berua kia sare mihin wi.
Morit pi ata lewuk tana wi di senusan ajan hamu,ata marin prae lewo eret mata heti lali nekin wana nekun pi woho wi kerian hala tekan tenu hala.....todi nukut nakat pi weli nai wi

Peten sama peten loke mor

Lango goen rae doan kae
onok peten turuk pe tenidi
tobo pe meja belen ka lau huin dai di angin belina mae loke

suo lout pe dapo onon
tonga gere di noro mite loke
ape dapo nuhun pe gere nai
wojon peen ulun nawa hama peen mor

kelmatan ne jendela peen we taan gelinge berua
bo hege ata lewa ka
sen peti hutun di noro rusa dat kae
ebo di wanas gan kae
lango goen peen eee
pukon a ne kame pana peken moe mehak dein prae we
hukut dihukut loke
nokon matan getan turuk bae heti lali di sena hala
 pe lango peen we goe bele tawa gere...................