Lagu rohani Kewae Goen Dewi ..trima kase oa ..trima kase ran moen mae loke ..

Suara istriku 2 Trima kase oa goen kewae goen oa dewi ..moe kantar soron goe kae

Bale Nagi ( kewae goen Dewi ) trima kase oa goen kantar soron goe kae

https://www.youtube.com/watch?v=6Y8_4XHSVNQ

https://www.youtube.com/watch?v=6Y8_4XHSVNQ Kewae goen Dewi kantar lagu Bale Nagi ..ran naen mae loke ,goe tobo nekun tede nae ,goe sayang nae loke ..goe sayang nae loke ..trima kasih untuk suara indahmu . Tuhan memberkatimu ,..menjaga moe

NATAL NOLON RAE LANGO GOEN

Natal nolon rae lango goen

Minggu tou sebelum Natal mama mulai gete kae, No mama naan bolo a , mama  naan Bolo Kesumbu e.  Bolo piin sebenar naen gampa loke . Bajo ue malar sain belusuk di ayak nae di sampor ne wai , ne gula di polot raan limak epan rua di maso tasu ono.

Kantar Gloria te Gereja onon bain sama mae,balik pe laran  di taan be dengung kewokor onon mor kantar misa Natal. Balik misa legulon sepat lau berobok oyan rae pasan paduk weken kaen getan .Sembayan berua di balik weli sion pa ne mama limak.Tobo menu teh hama hama te meja belen di pana maik sion nene nene rae limak.

Leron puna pana hode sion limak kaka arin weken kaen getan , tobo tuhu geka gerenga mae loke .Muan tou goe lali sion Nene kame Bae liman,nae soga liman di pehen eret goen , nae marin goe " irun moen wogat loke ..irun moen wi hama iru goen ..moe kia bura hama goe hae ".Goe peten nae loke karna matan naen tede bisa hala nekun  nae naan onok goen sena loke .Meski matan naen tede hala nekun nae hukut kama weken kaen berdasarkan ra (suara) kame weken kaen .Nae bisa tobo pe kelmatan rekan ,Nene Bae nene Bala ...selamat Natal .....

Kalo nene goen mama Peni Betan Ne Nene Pa Todo Boli Tukan ...rae ruak piin wi hama di santo yosp ne santa maria .Teit ne rae ruak aturan nae jelas ..penoko wati hogo weli gereja leron getan , nokon jam 7 harus tobo te lango dore sembayan keluarga,Hari minggu hamu elan bole hala perinta Allah marin rayakanlah hari Tuhan tona benamo bole hala. Saat masa tua rae ruak morit hama hama ne goe .kalo nene pa nae tutu aja hala nekun takun te pa goen loke ,kalo nae hiin goe ka marin koda toun ruan ne goe maka nae perawi ekan marin pa moen e ,kia pa moe hiin goe we.Nene goen mama Peni alias peni kenipet haaaa peen ekan dilain gelupa ekan nawa naen pukon nolon suka rekan renun vitsin ajak wali jadi pengaru sain te kotok muri.Penoko wati jam 3 nae sogo goe hogo udun raik misa ,goe di tede jam hala hogo lap seka eret matak wahak di marin pana ruak maik gereja matak goe tonga gere tede te jam dinding heee ema goen santa eee manuk gokok dihala mor di haaa .Muan tou kame waok mekan hama hama di lewa jam tou nae hogo sogo goe ...Ena ...Ena eee nene mama alen malu jaha wi ....moe nein nene mama gan hala ...moe date loke di .....haaa goe hogo di toda nae rae meja di marin ni ..pi nene mama tede buka tudung saji ono wi wata noon mor ka take ,kalo take berarti tite tekan kae . haaa

Morit hama hama pi lango titen mae loke ..."kodi sambo muri ...SELAMAT NATAL 2017 ) peten hukut pa goen mama goen nene nene goen ..oyan goen weken kaen peti kelen lolon .......

Kantar : PENEBUS DOSA

https://www.youtube.com/watch?v=LRqbXl319js

NATAL

Natal ono pai kae wi tobo stel kantar kantar hama piin hamu , onot peten hukut , onot belara peten hukut lewo ,lango ,pa mama .....doan di doan loke kae wi ..pile laran meranto wi ..jadi kalo bain kewenger kantar hama piin wi maka matat wain belurun ....apalagi pas misa balik di maso uli ono ..aiiii mio eeeeee...

KENANGAN NATAL DI DUSUN KECIL

https://www.youtube.com/watch?v=QqDgcWdKydI

Kantar piin  nolon kene mor pas uran warat ono ,bain kewenger teip tentangga rae , Kaka Yako Kedang suka stel kaset piin .Goe tobo pe kedosor lango erent tobo dore kantar piin .Onot sama sena  waktu peen  .Mama beten soga ue nomi pelatin tao pe kebala hutun kalo take ue malar rebos sain noro selait selalat tali ne tapo paron .Tobo mete jekuk ue nomi koto teti ne leik lali wejun wajan kewenger kantar piin  .Kantar piin abadi loke "Kenangan Natal Di Dusun Kecil " .Om Charles ran sama ketilek .

Nekun bele gere pana meranto tobo kewenger kantar piin ulang muri tani ne peten hukut lango rae lewo , mama ne pa dimata hamu kae ,naan onok bain sama belara.Motor hutun di kaan be kantar piin .Apalagi kerian balik nokon doen pi loron onon pai nae atan ekan sama amuk jadi kantar taan be guok .Pas lewa te berobok kaka goen Sil ne Uri Lala naen maka kaan be niku rae di goe guok kantar piin . Pi onok goen pikiran pasti rae ruak kia di bain ra goen hala ku .
https://www.youtube.com/watch?v=QqDgcWdKydI
Hama goen marin " meranto ekan doan bain ...gelek kae pi ata tana ekan maka balik to lewo ,balik to pa mama ,balik to lango ekan "