Wai Uto

 
https://www.youtube.com/watch?v=pnhq66Engvk


Kalo goe mata kolo ,mio ana ana goen morit pi ata lewo tana , buka kantar piin , kantar Pa mion naen . Kantar piin pa mion nolon kene mor naan neku leron getan pi Wai Uto piin wi . Nolon ata noro tenakun leron ka rebaon lewa pi Wai Uto nekun pa mion sain pali wali hukut rasan renun wai piin , wai matan sampor ne pero berua nekun maso sain kewokor ono lodo nai bain sama belira .

Rebon cetak wato moen wahak balik sepat te uli piin berua  tobo semo leik limak berua di pas kalo metin mara maka sea seger kima sola . Kima piin nekun ti uli piin meha .uli iker kia mio herun hala . Kima peen onon warna naen sama cantik  buran sampor ne ungu berua  .manis loke .

Wai Uto piin soron tanda mata aja loke ne goe . Muan tou goe pesil kolon me no tou te . muan muri goe epen Ke'a belen tou te 


Pe lali Wai Uto goe soron tanda mata kila bala   " lambang cinta mata goen ne lewo tana goen " goe gelupa bisa hala kisah goen waktu goen kene kereak .jren klotek mor. 

No YD Kromen  trima kasih aja loke moe kantar lagu goen piin dengan sangat rasa Waibalun  . Trima kasih aja loke .Goe gelupa hala nolon goe kene mor " lile Pa moen , om moen raan nekun band . Abadi loke kisah morit masa peen sain pali wali  


Malam Bae  

Moe ata Waibalun mor ka ?

 
Moe ata Waibalun mor ?

Goe tobo gete wekik pali nokon wi . Maka tun 1990 lodo lango maso seminari hokeng di ketul pelae melarat pi ata ata tana sain pali wali wi . Mama goen paken marin goe  " meranto moen piin pake hla sama sekali , meranto moi ne aturan balik lewo hala sama sekali wi "  . Maka goe lodo lango sain pali wali total goe palik lewo nekun lei pat  dati total tun meranto goen pulu telo teik te lewo hala . Maka naen goe tobo gete wekik goen  . moe ata Waibalun mor ?  

Goe piin sain helut te ga onon di tetap ulin nawa naen " ana ata Waibalun "  kalo mio tutu tentang kehebatan Waibalun pi weli nai naen maka goe tutu tentang sukuisme ,patriotisme ana ana Waibalun . 

Malam Bae ....Goe gelupa hala ...goe hukut weken kaen mulai dari prino ane ane sain rae reban laak weken kaen  .

kantar ..AMPUN YA TUHAN DOSA DOSAKU

Kantar piin karya dari alm Bernardus Bala Ladjar .ana naen teman goen nolon lali seminari hokeng.

kisah piin nae ungkapkan dari pengalaman morit naen yang kehilangan dua anaknya tersayang dalam kurun waktu satu minggu.Dia seakan ingin menggugat rasa ketidakadilan Tuhan.Syair ne irama nya naan onot titen belema loke.kantar piin tite pasti selelu kewenger saat masa puasa onon. Salam damai abadi teti kelen onon alm bapa Be

Lau Ina Maria cover by Dewi Tukan ( Kewae Goen )

Pali wali goe coba tulis kisah teman seminari goen .
Naran naen Aloisius Baha Ladjar .Kame waok maso seminari hokeng hama hama tun 1991 .
Meta tou nolon goe nena udun kewae goen "Dewi" kantar lagu Ina Maria di goe maso te youtube .Peen wahak di goe upload te group WA alumni seminari hokeng angkatan 1991 .

Waktu goe soron maso cover kantar lagu ina maria yang kewae goen kantar di tema goen Luis Ladjar wi langsung sambo " Reu Best ( naran panggilan goen te seminari ) ...ini lagu lagi kami perjuangkan hak ciptanya .Karna lagu ini ciptaan alm bapa saya yang kemudian oleh pihak lain diklaim sebagai lagunya ." Naran tema goen bapan piin wi " Bernardus Bala Ladjar" Rae ata Kalikasa ( naran naen hama persis ne naran goen nekun beda suku hena "Bernardus Bala Tukan " . Tentu goe pasti gete tema goen dokumen pendukung kantar piin karna kantar piin sangat abadi pi dunia hutun wi ,ata weken kaen roir kantar piin .

Nae marin data nae noon tekun kaka naen yang nete ( kaka naen nolon di sekola te seminari hokeng , kaka kelas kame . semoga goe bisa ait data pendukung kantar Ina Maria piin supaya goe bisa nein maso pi blogg goen piin trima kasih tema goen Luis Ladjar atas info moen piin wi

UE MALAR .... bolo waktu pesta Natal

Pali onok peten ue malar karna pesta Natal dahek wi. Nolon mama goen nekun naan bolo pake ue malar hena . Mama goen hope tepon bisa hala karna doi di noor hala jadi setiap pesta hari raya we kame lango ono nekun mekan bolo dari ue . Minggu tou sebelum Natal mama goen udun goe bajo Ue sain dewa belusuk (kame lango ono ana belakin hamu jadi keian hama bajo tahan bajo ue ,maso tobo ape dapo ono we a baran biasa ) Bajo ue wahak di geki te kota ono di wejun ayak sain belusuk. Hari rabu mama goen lali pasar Oko hope tenasu .Tanggal 24 nokon misa balik mama goen tobo ator kelalamak polo bauk legulon penoko wati mor hogo nolo naan bolo .Bolo tradisi lango kame nekun rua saat natal . Pertama naen bolo onde onde be rebos , nokon mor mama ne kame ana ana telok tobo polot tepon ue yang sampor ne wai pelatin .Polot belopor belopor hama tede ata jawa alant raan bakso bele naen di persisi hama ne .Jam lima legulon ape dape hemo kae.Keloton pe ape likat hutun kae .Mama rebos bolo onde onde wali sain tahak di hoe lodo di sampor ne tapo paron tali ne tenasu .Sama kemi dulat . Kedua naen bolo onde onde be goreng ,Bolo piin hama hamu proses naen nekun naen bolo peen ono mama tao ne tenasu sampor ne tapo paron . Misa balik sion pa ne mama limak di tobo buka serbe pe meja belen hutun .Tobo dahu nukut bolo piin Watu peen goe nekun membayangkan bahwa TIDAK SEMUA keluarga te lewo kame raan bolo piin karna tite bisa hitung nekun tene hena yang mula ue di raan ue malar .Biasa naen ata rekan bolo jewada ka bolo tar .Nekun mama kamen ilmu naen nekun bisa naan bolo piin . Bolo tou muri naran naen lengga dada .nekun piin taan pake ue menuren.Goe semangat loke paro ue ne paro tapo kalo urusan taan bolo lengga dada piin wi .paro ue wahak di tapel pe piring blek di maso te tasu ono yang ne wai pelatin bura mua . Tobo jaga bo menit telo di soga lodo di werehak ne tapo paron sampor ne tenasu polot golor . pali wali kia goe balik keria hope ue di kaan bolo lengga dada muan .Kodi tutu ana ne kewae goen kalo piin bolo special mama goen naan soro kame waktu pesta Natal

Agustien Dewi indahnya suara istriku ..trima kasih oa goen Dewi ..suka sayang moe loke ..trima kase Tuan Allah e

Lagu rohani Kewae Goen Dewi ..trima kase oa ..trima kase ran moen mae loke ..