Peten onek hukut rae lewo
pe laran peen we
tite pana hama hama
kaka arin nimun titen berajan ke
koda kenirin susa tenulat pia ata lewo tana
hukut marin maan maen hamu rae lewo tana
ekan gelupa sudi onem kuran luan koda
weli Tuan Geraja titen...

hukut peten pe rae lowo tana
taan be a muri i
laran piin doan jaha kae

doan piin goe kudi pohe laran
malu mara pia ata lewo tana
pe rae Ile maindiri lolon
pe lau hukak ata pukon
mula menuren tawa gere
jadi kame ata matan doan kae

peten goe peten
hukun balik leron anen wati mor
kodi balik tola tena baja baha
ole ura matat bereket
lewo goen mae ..mae di jaha
tana goen ata Kudi lelen bala naen
Jaga sare tula koda jaga gelekat
lewo goen pukon ata jadi Ile Maindiri.........

Anyone can share about my Waibalun Village........