Leron hae tobo miat jaha
tite marin rae, rae ille kolan ata kiwan
Leron tau goe tobo tutu ne kaka arin kame yang pensiun kae jadi guru rae ille kolan
Nae marin goe ni " goe bodot hae kalo goe ajar rae sain bisa kalo rae bisa kae goe opol akal rae bisa hala kae ka"
Goe pikiran tenuae guru nolon atek maen hamun ternyata pake hala sama sekali.Rae jadi guru tapi rae gesik raan ata kiwang jadi ata benisan.Jadi selama tuun pulo ruan ne lema nae naan ata kedike mete bodo dan nae tetap benisan terus......nae tutu goe hama noron sombo berua tapi sama sekali nae mian tenake.Jadi rae ,rae ille kolan bisa jadi benisan hala sain pali wali karena tenuen kame nolon yang benisa nekun rae takut kalo ata kiwan meten bisa dan bisa lawan rae.
Coba tite tait rae Lewotala,pe taon 1980 goe rae Lewotala kai,kebetulan kaka arin kame mengajar te rae.Goe peten jaha tede ana murid raen,rae hormat jaha yang naran nae bapa guru,
ana sekola sekola nawa dimaen yang penting bisa bantu pa guru geta tahan.Ei mio e e...loke jahak di......pukon ane tite taan rae hama ne.....
Ato jaman nolon we,tenue tite rete tuak/arak gelu tahan mean rae Ille kolan..rae rete tuak/arak tajo tou rae ait tahan mean karon belen tou.Rae opol akal ata kiwan jaha.
Coba kalo pembangunan rae ille kolan diperhatikan oleh Pemda Nagi pasti bagus sekali..tanah raen subur jaha,hutan raen mae jaha,pe ke di rae aja jaha meranto lau saba.
Goe pikiran rae rae ile kolan benisan hala karena guru guru le balun alan yang raan rae jadi ata kiwang.......
Goe gete mio weken kae he ...."pukon a ne tite majan rae ne ata kiwang....."
7 komentar:
Nolo memang tite taho wai, seba kayo, tete tahan mean neng guru. Guru nolungen te lewo pe rangkap ketua stasi, urus gereja, ajar agama, khotbah, urus sambut baru, urus desa.. macam2.
Nolo tuan pastor (pater) Belanda tite anggap Tuhan. Umat teti lewo hormat setengah mati. Pi go dengar penghormatan mulai kurang. Puken aku? Silakan direnung.
salut sama blog ini.
Sekitar tahun tahun 1998-2000-an, tata Yose Igo Kleden (ata Lewolere) balik lewo, dari Jakarta peresa mata'n, gere kapal. Te Ujung Pandang nae herun tata Petur Tukan dari Manado, juga mau balik lewo. Pas waktu rae herun wekik, rae ruak gete wekik neni:
- Tata Petur : Goe tede moe maka neku kae, goe ne pelala, tapi takut elen. Goe eka moe ata Lewoloba!
- Tata Igo : A a a !! Moe marin goe ata Lewoloba? Ata Lamawalang saja go gehik di!
Jadi begitulah, tite Lewolere - Waibalun we anggap ata Lamawalan ata kiwa, tapi lebih kiwa ata Lewoloba atau Lewotala.
Kalau tite Lewolere-Waibalun anggap ata ile kolan we ata kiwan, maka ata jawan (baca Larantuka) anggap tite ata kiwan. Waktu goe sekolah teti SMA Negeri, guru goe tou naran naen Pa. Berna Lamuri. Pa. Berna lamuri we No/Belake kame, karena mama goe suku Balella/Lamuri. Waktu herun pertama kali te kelas, nae gete goe:
- Pa. Berna : Naran moe hege.
- Goe : Asro.
- Pa. Berna : (sambil ngedumel/sedikit ngejek) Nokon Leron rekan moto di naran Asro!
Jadi nae anggap tite ata Lewolere-Waibalun we, ata kiwan, nokon - leron teka moto, jadi pantas hala pake naran Asro. Pada hal kalau te sekolah tite juara kelas terus, tetapi tetap saja rae anggap tite ata kiwan.
Jadi mungkin saja ata lewotala/lewoloba ada yang bnisa, tapi karena ata kiwan jadi tite anggap rae bodon hamu.
Selamat Siang No Asro
Goe bisa koi identitas lengkap moe berua bisa ka take....
Goe hukut nolon waktu sekolah te Seminari Hokeng ..Kame ata Le Balun gehik sama sekali maso kelompok paroki kathedral Larantuka....Karena kame ata Waibalun koda kame nekun tou...koda bahasa Waibalun...Ata jawan alant rae pikiran rae te bisa jaha ....
Tapi tite ekan gelupat kalo tite suku asli belema selot maka rae pasti jaja tite...Koda tou pukon tou onek tou jaga koda kenirin tite suku ata tana jadi....bukan rae ata jawan alant.Tite ata Waibalun Lewolere benisan hamu nekun...mulai pikiran egoisme...gelupa tana adat..Goe gete ata Waibalun alant...Pukon a tenue titen nolon tutu bahasa Nagi roi hala...karena rae pehen koda tou "kame ata Waibalun ".Waibalun harus kembali seperti dulu....dengan kekuatan besar YONG KUDI...kalo rae marin tite ata kiwan tite harus tutin rae...harus terie rae...Waibalun nolon hama ne..Goe ata Waibalun..mei goen mei Waibalun, koda goen koda Waibalun..goe dein liko padak ata iker ekan ganggu goe....Terima kasih aja jaha ....
Selamat siang juga No, goe Asro, suku Wain ata Lewolere. Lango kame luron rekan, berhadapan ne Pa. Tobi Werang langon. Goe sekarang te Sumatera.
Goe angkatan tou ne Domi (Laran)Tukan, Herlis, Polu Kedang waktu SMA, kame tamat tahun 1984.
Guru kame Pa. Tinus Tukan, Domi kakan.
Ai ..hele...ema goen...ekan bekel kaka e....
Kaka rae angkatan SMP Ratu Damai ne kaka goen Tan Tukan hae...ato Sil Tukan...goe sekolah te SESADO hokeng tahun 91 -93 lodo pe ke di lagsung pelae hau pia Bali...kalo SMP goe angkatan ne oa Nel / Pa guru Polu Kleden ...Kalo kesempatan noo lega pia Bali...sekarang pesawat JKT -DPS- KOE by Garuda....
terima kasih aja jaha e e e...goe nolon suka tulis te Kupang Pos kritik ata lewo jaha...nekun rae gehik....rae marin tite morit te woho jadi toi a tou dihala...jadi goe kaan blogg piin hanya untuk krtik rae weken kaen..
Goe SMP lali Ende, SMP CIJ, Kapala sekolah kame Sr Stefani Tukan (Pa. Guru Panus Tukan binen). SD klas 1 s/d 4 te SD I, teman goe Domi Tukan, Tuan Poce/Budi Kleden. Kelas 4 goe pindah heti Waiwadan dore Pa. Goe, guru teti Waiwadan, Jadi ata lewo paken kame ata kiwan loko.
No, kalau moe keberatan hala, moe soron goe "privilage" supaya bisa tutu koda (tulis) te blog piin.
Posting Komentar