Lewo tana goen hama nenggenai ka...pele leron goe turuk ...lela jaha kae goe turonk lewo tana hala..
goe turunk tentang misa ne tua Bernard Muller svd .Nae gete goe pukon a moe pana doan jaha pek kedi balik lela jaha,moe peten lewo hala,moe hukut pa mama hala,moe peten to tede lango berobok nene oyang raen hala.Nae kerabit ne goe jaha....pana doan di doan jaha nekun harus hukut balik to lewo tana.Goe nekun geka hena ....nae marin tali muri ,,,,moe pikiran hege ata yg jaga lewo tana mio kalo mio pana helut gelupa laran balik...akhir naen goe marin nae.....Bapa Tuan Muller ....goe onek balik lewo jaha ..taan be a wi..goe gute laran piin kae...nekun lewo tana goen nawa te atek goen onen...leron nokon goe soga naran lewo tana kaan mae jaha....nae hiin goe jaha sain goe tani,nae marin goe mesin balik to lewo berua ...goe kedoko hogo....eeeeeeee goe tani nemuron...hukut peten lewo piin loke jaha.....atek dewa jaha....biasa nae hari sabtu rae lewo tobo tutu koda ne pa mama te lango erent ...hari minggu misa balik tobo kenu teh,ne bolo ue nomi,leron tobo tekan hama hama te meja belen menaken nae ikan nebe toto ne muda teluk,hulun moton lolon ne bumbu vitsin..rebaon nein wawe ga ,epet manuk maso kanda onen....eeeee mio eeeee morit rae lewo peen mae jaha.....weken kaen nawa noon kae....leron hae tobo pikiran jaha...goe ke nan ne meranto....seba ganti nasib piin susa jaha.....baat di baat jaha .....onet peten balit lewo ola here nere .....nekun goe pana doan jaha kae.......
Prae Ille Mandiri
pe lau nuha
pe laran tenga lewo goen
Hukut doan laran putar balik tena wahan
ojok golo toda doan kae
Laran balik aja jaha
Nekon kaan neggenai muri
pile laran dore laran goe
pe laran wai wata tebe lolon goe pana balik wati more
bauk ere rua goe kodi pili laran ulang di maen
taan be a...goe tobo pia nekun hukut lewo tana kia
bauk ere rua goe kodi balik pe laran nuha hau goe tao atek goen
pe laran rae wato netak goe pasan wato nama pukon dein
Lout rae pe leron tou muri goe balik lewo .......
2 komentar:
"....leron tobo tekan hama hama te meja belen menaken nae ikan nebe toto ne muda teluk, hulun moton lolon ne bumbu vitsin...."
Wulung motong lolon, bumbu vitsin, nepe go paling suka. Tambah ikan nebe, ketuko, ikan sembe.... Hehehe... Mantap Ama Bernard Tukan!!!
Ikan Nebe....
Pengalaman goen balik lewo terakhir tahun 2005..goe marin pa ne mama ..goe balik nekun nenan ikan nebe...a iker goe gehik kan hala....
Rae siap ikan nebe aja jaha goe onek sama berea...ka wata tali terus....Sain keniki ole- ole..nekun ikan nebe dos sari mi tou....Goe kete sain lali Maumere..gere pesawat onen..nekun waktu te pos pengecekan barang...ehhhhhh rae lakan tidak boleh tete ikan..kia waun kewerek te pesawat onen...eiiiii eman tilun...goe marin staff te airport..kalo gae kaik weli jawa pai goe kete ole ole barang jawa alant raen,goe kaik lombok kai goe kete ole ole lombok raen....dan sekarang goe balik lewo goen Waibalun goe kete ole ole goen ikan nebe...ikan nebe piin jiwa raga kamen...kalo mio lakan goen ekan kete berarti mio gehik budidaya ole ole kame....goe genin ne rae lela jaha..akhir nya rae setuju nein gere...onek sama berea jaha..ikan nebe pia bali noon nekun hama hala rasa nae...titen perae we sia aja jaha jadi sama prio proite...
hulan tou goe kan ikan nebe menaken ikan nebe meha....ehhhhh waktu peen tetangga goen juga goen nein rae sama di onek berea tapi rae marin..goren ekan putuk bain kia waun kewerek jaha...pe kedi...tekanan dara tinggi....TAPI IKAN NEBE TOP ABISSSSSSSSSSSS.....MATI PUNYA..HAAAAAA...BRAVO IKAN NEBE...tapi goe kesal ne kren kelotek ana kos kosan perae lewo hau marin goe ni..."balik lewo hau mete nekun ikan nebe hena"...goe tapan rae...no o...alen moen kia tain mite jaha hae kalo moe gon ikan nebe....Goe marin nekun ikan nebe hena yang naan goe beta teik prae lewo..heeeeeeeeee kaka arin eeeeeeeeeeee Nebe is the last one my favorite....
Posting Komentar