koda kaan genai muri, limak deten belola gere kaan be genai muri, sion tana lali dai kaan genai muri , ema goen take kae , bapa goen take kae , kaka weruin goen di dore ema ne bapa , tani ..tani ..tani sain matak wain di mara di lran piin sama belaha sama.
hari kamis kaka goen kedua telpon goe marin kaka weruin goen beringi wekin pelate,goe di kaan pusin hala telpon nae di hala , bauk leron jam 12 kaka goen telpon ulang muri " No e..plae rumah sake Wangaya kia ,No Sil maso rumah sake ".Goe loa kerian di pelae ne motor kaan beran hamu , motor hutun kaan be sembayan salam maria , menit puluh telo rain goe sain te rumah sake, maso UGD onon herun kaka goen Sil turu pe tempat tidur hutun , goe majan nae " No ..genain ne No Il ... maen hamu ka i , ekan bekel ekan onon kuran , goe jaga telpon moen , goe jaga sms moen di moe telpon goe hala , sms goe dihala , a ne No ,tite kaka aden koda tou ruan elen di taan mae mihin hala ne. Nae tede goe di goe pehen lase koton naen , leron peen atek onok goen gehan loke ,goe tede nae hukut hama di persis pa goen Inggu maso rumah sake weria nolon .Sil tede goe nekun goe tani meten marin " a ne No luan koda taan maen hamu ka i " "ekan takut kame pi dahen ne moe ekan pikiran ajak,dokter peresa moe ".
Tobo jaga dokter peresa sain jam 3 rebaon di goe pelae balik uli kerian kai muri . Rebaon naen goe balik sepat ruma sake hala ,marin balik hode kewae ne ana maik to Sil weli rumah sake ,nekun tobo jaga te lango sain jam 8.30 nokon baru kewae ne ana balik , goe kerabit palin wali sama dikerabit ,kelmatan lango erent goe dogo weretot sain kaca jendela redo . kewae ne ana goen sain geker di gete goe " lha kok marah marah marah ,ada apa ? goen tapan rae ruak " Sil sana sekarat !!' Ana goen belakin tobo meren sama sekali di dein pe haak goen di naan marin goe " om sil sakit ya papa " . nekun goe onok kerabit loke mor sain marin ana goen ekan dein dahe ne goe goe kerabit loke mor wi .
Nokon kaik kerian sain te uli kerian onok baik sama gehan loke , jam 2 legulon goe goe permisi kaik weli rumah sake .Sain weli kaka goen beringi wekin pelate ulin mor .karna wekin nae pelate jadi tutu kehamen nemuron hamu .jam 4 legulon goe pelae balik weli uli kerian muri sain jam 7 legulon .Onok goen sena hala mor goe pelae balik weli rumah saki weli to kaka goen muri , weli tede eren naen hama noro gelek ,majan nae di honik hala matan pelagans ulin wahan gehan . jam 9 legulon goe balik lango kai , sain jam 1 leron kaka goen Tan telpon udun balik bera weli rumah sake marin kaka goen Sil noro elen berua . letu kelamatan pelae kaik weli rumah sake , sain weli rae toda kaka goen maso te HCU , pikiran goen maso uli peen pasti kaka goen dalam pengawasan temae dari dokter. Napas herenain naen noro kederedat .sain jam 6 rebaon goe tobo rumah sake kolan majan pa ne mama , nene pa , nene mama , nene bala nene bae ,nene luga nene uku polo sain bantu jaga pele lika kaka goen , nekun sain jam enam lewa pulu pat goe telpon Tan kebetulan nae harus pelae kantor nai karna nae dore ujian te kantor " No tan ...Il pia take kae ...Il pia take kae " .......08 November 2014 ....kaka goen belen bapan No Il nai peken kame nekun ata rua hena pi tana lewo ata ekan wi .....No eee...goe peten hukut mata morit tite hama hama Sil Tan Nar ....papa mama soron naran titen nekun huruf telo hena , telot belakin hamu , genint leron tou bauk ere rua mae kae , hiin gahak wekit leron matan getan nekun pelala pelea wekit mae loke ...No Il e..moe take kae ..moe take kae ....peken goe ne Tan hena peleron pa mama peken tite ,pali moe peken kame ...koda marin taan be genai peen tuan deo baran ...No Il e...goe tani mor sain pinokon piin we....goe tani mor///goe hukut moe loke mor ..atek goen dewa loke nekun goe sain weli to berobok moen goe tobo tani , goe weli to lango moen tede kewae ne ana moen balik pai dore laran goe kaan be nati ..peten hukut moe....No Il eeeeeeeee........morit susa tuja loke nekun mata moen mulia loke tuan ata nemu, suster aja loke sain sembayan soron moe.....misa reuiem moen goe tani loke pukon kantar Ina Maria..kantar kaan be segu ...wai matak goe belelent dore moe ...No Il eeeeee....No goen sayange ....gelupa moe bisa hala di.......
Sabtu, 15 November 2014
Kamis, 09 Oktober 2014
UE MALAR
Bekut ue rae netak, bakit kenama naen di palar ue pe wato hutun pas lera dipelate loke maka nekun leron rua hena di ue pain wali jadi ganti naran ue malar.
1/ Ue Malar yang noro mite tali ne kobok miten kene gero kae we di rebos sain noro selait berua, soga lodo peatin mor sampor ne tapo haaa ema menca ilu geron o pia wi
2/ Ue Malar bajo te nurun sain belusuk di raan ue nomi haaa tepon ue malar sampor ne tapo di dena wai te keloton jaga sain tahak di pelatin mor tao te pirin bele ka te kota di tobo nanok haaa bohu bodo mihin we .
3.Ue Malar tuno di gero raka ne tapo huan di mae loke .
4.Tepon ue malar polot taan belopor di rebos di werehak te tapo paro kaen we haaa peen maka tekol hewat ono sama menu menu we
===Kodi sambo muri =======
1/ Ue Malar yang noro mite tali ne kobok miten kene gero kae we di rebos sain noro selait berua, soga lodo peatin mor sampor ne tapo haaa ema menca ilu geron o pia wi
2/ Ue Malar bajo te nurun sain belusuk di raan ue nomi haaa tepon ue malar sampor ne tapo di dena wai te keloton jaga sain tahak di pelatin mor tao te pirin bele ka te kota di tobo nanok haaa bohu bodo mihin we .
3.Ue Malar tuno di gero raka ne tapo huan di mae loke .
4.Tepon ue malar polot taan belopor di rebos di werehak te tapo paro kaen we haaa peen maka tekol hewat ono sama menu menu we
===Kodi sambo muri =======
Hukut Hulan Maria onon
pi hulan oktober onon kae wi ,hukut nolon sembayan rosari ,rebaon hamu siren elan taan laen laen di pinja kerosi te tetangga ,peen wahak di leba gambar Bunda Maria ,onot sama berea bain hama santa Maria sama dahe ne goe .
Lera weli di noro ekan mite berua kae ,lau petu ledek lonceng pe tiu Bene letor rae muda pukon tou dahe ne wai water leden ne tapo bali pukon tou .petu ledek lonceng peen wahak di sain bo jam tuju lewa nekun ata sain beto sembayan di hala mor maka ,ata tenuen alant tobo marin " No e pana guok ata bera lodo sembayan kia " .Dein pana tede dahe ne ata kelmatan rekan ato dahe ne dapo rekan di guok " pi lau pi rae pi lali pi heti lodon sembayan o ekan topo dapet te ape luran ".
peen wahak sembayan bulan Maria pe elan Belen Kapela Santo Antonius Padua , dein pe tanta Ibo rae langok nigun pas pe tangga loron lodo we a kajo pukon tou ata paken be naran " Teh" huan kenulun kene kene nekun teka bain rasa sama kemi.Muan tou kame lango ono weken kaen dore sembayan te elan belen , balik lau Pa goen marin ni " No e moe tede manuk kanda peti papa berua ne , bain ekan sama nera wali ?" .Ai goe tede we ne manuk kanda onon amu kae ,kudun mauk di ran tenaken kae di .haaaa goe geka berua hala ku keren hae iker raan nekun main gila raen pake hala nemuron di ,manuk rae temaka rete di , manuk lalun belen loke di.
Sembayan bulan Maria weli gua Maria Suster CIJ ,lerin weli sembayan kantar lagun maria bain onot sama berea, nekun goe hukut wi ka tite kantar lagu Maria bagi suara mae loke nekun kantar taan pe ider nemuron hamu di , gehan not taan sain belaha loke .Nekun peen hama budaya titen kaen sebole
Kantar Maria goen tou
Ema Maria
O Ema Maria
pe teti kowa lolon
pi atek goen kodi marin kaan koda saren
" bisa mio modi check te You tube goen kantar goen ema maria"
Lera weli di noro ekan mite berua kae ,lau petu ledek lonceng pe tiu Bene letor rae muda pukon tou dahe ne wai water leden ne tapo bali pukon tou .petu ledek lonceng peen wahak di sain bo jam tuju lewa nekun ata sain beto sembayan di hala mor maka ,ata tenuen alant tobo marin " No e pana guok ata bera lodo sembayan kia " .Dein pana tede dahe ne ata kelmatan rekan ato dahe ne dapo rekan di guok " pi lau pi rae pi lali pi heti lodon sembayan o ekan topo dapet te ape luran ".
peen wahak sembayan bulan Maria pe elan Belen Kapela Santo Antonius Padua , dein pe tanta Ibo rae langok nigun pas pe tangga loron lodo we a kajo pukon tou ata paken be naran " Teh" huan kenulun kene kene nekun teka bain rasa sama kemi.Muan tou kame lango ono weken kaen dore sembayan te elan belen , balik lau Pa goen marin ni " No e moe tede manuk kanda peti papa berua ne , bain ekan sama nera wali ?" .Ai goe tede we ne manuk kanda onon amu kae ,kudun mauk di ran tenaken kae di .haaaa goe geka berua hala ku keren hae iker raan nekun main gila raen pake hala nemuron di ,manuk rae temaka rete di , manuk lalun belen loke di.
Sembayan bulan Maria weli gua Maria Suster CIJ ,lerin weli sembayan kantar lagun maria bain onot sama berea, nekun goe hukut wi ka tite kantar lagu Maria bagi suara mae loke nekun kantar taan pe ider nemuron hamu di , gehan not taan sain belaha loke .Nekun peen hama budaya titen kaen sebole
Kantar Maria goen tou
Ema Maria
O Ema Maria
pe teti kowa lolon
pi atek goen kodi marin kaan koda saren
" bisa mio modi check te You tube goen kantar goen ema maria"
Kamis, 07 Agustus 2014
Sekolah pariwisata & Perikanan ?
Sekolah piin nolon noon nekun neku sekolah perikanan lali
Wai Pelatin , nolon goe hukun kene mor pas kame ne bapa goen ola tine lali
Heras jadi leron matan getan moi Mr Paul buran belolon tou yang naan sekolah
palin wali.
pi pai nai goe muan tou herun bapa uskup larantuka pia denpasar naan ne rencana buka sekolah hama Mr Paun naan nolon , nekun sekolah piin noro te gehan berua "Sekolah Menengah Kejuruan (SMK) Bidang Pariwisata dan Perikanan ". Goe noro geka berua hala ku sekolah piin wi tentang ilmu pengetahuan rua yang berbeda epu jadi tou .Pariwisata ne perikanan ,Goe maka pain sain tuun pulu rua rain bene bain muan sekolah ruank kaen piin wi .Nekun tite mesen pesimis berua halaku ,piin hama a huun sama sekali .
Pariwisata gabon ne Perikanan ka perikanan gabon ne pariwisata, ar ruan piin beda sama sekali dan sekola piin wi rae raan te kota larantuka hala naan pikiran goen di mete noro percaya hala.
1. Sekolah pariwisata kalo onot taan nemuron nain maka genato anak anak larantuka sekola pia Bali / pariwisata bali baru keuskupan , pemerintah daerah bangun hotel ka akomodasi pariwisata baru rae sekola balik baru rae kerian pe rae, contoh naen hama ni ; goe sekolah ,kerian pariwisata pia Bali di goe pikiran kalo balik rae lewo kerian pariwisata a perae lewo ? Taan dirikan sekola pariwisata palingan nekun angkatan pertama yang ait kerian di ankatan ke dua dst ait kerian te ga muri ? karna akomadai pariwisata kuran loke mor .
2. Potensi pariwisata titen bele loke wali bentuk naen hama genai ? nekun soka selen ? keindahan alam ?pariwisata sekarang wi berkembang jadi industi pariwisata ,peen arti naen berkemba leron matan getan.Goe pikiran sekola pariwisata penting hala mor untuk dein te larantuka .
3.Sekolah perikanan ..piin baru goe onok sena,piin tepat sasaran sama sekali .ikan ne kelautan titen mae loke mesen kelola taan mae mae.
goe nekun saran ekan welu doi percuma ne sekola pariwisata , Larantuka urutan ke pira tujuan wisata te NTT? ...nekun semangat untuk membagun lewo tana piin mae loke nekun harus tede ne tepat sasaran pembangunan sekola palin wali
salam lewo tana
pi pai nai goe muan tou herun bapa uskup larantuka pia denpasar naan ne rencana buka sekolah hama Mr Paun naan nolon , nekun sekolah piin noro te gehan berua "Sekolah Menengah Kejuruan (SMK) Bidang Pariwisata dan Perikanan ". Goe noro geka berua hala ku sekolah piin wi tentang ilmu pengetahuan rua yang berbeda epu jadi tou .Pariwisata ne perikanan ,Goe maka pain sain tuun pulu rua rain bene bain muan sekolah ruank kaen piin wi .Nekun tite mesen pesimis berua halaku ,piin hama a huun sama sekali .
Pariwisata gabon ne Perikanan ka perikanan gabon ne pariwisata, ar ruan piin beda sama sekali dan sekola piin wi rae raan te kota larantuka hala naan pikiran goen di mete noro percaya hala.
1. Sekolah pariwisata kalo onot taan nemuron nain maka genato anak anak larantuka sekola pia Bali / pariwisata bali baru keuskupan , pemerintah daerah bangun hotel ka akomodasi pariwisata baru rae sekola balik baru rae kerian pe rae, contoh naen hama ni ; goe sekolah ,kerian pariwisata pia Bali di goe pikiran kalo balik rae lewo kerian pariwisata a perae lewo ? Taan dirikan sekola pariwisata palingan nekun angkatan pertama yang ait kerian di ankatan ke dua dst ait kerian te ga muri ? karna akomadai pariwisata kuran loke mor .
2. Potensi pariwisata titen bele loke wali bentuk naen hama genai ? nekun soka selen ? keindahan alam ?pariwisata sekarang wi berkembang jadi industi pariwisata ,peen arti naen berkemba leron matan getan.Goe pikiran sekola pariwisata penting hala mor untuk dein te larantuka .
3.Sekolah perikanan ..piin baru goe onok sena,piin tepat sasaran sama sekali .ikan ne kelautan titen mae loke mesen kelola taan mae mae.
goe nekun saran ekan welu doi percuma ne sekola pariwisata , Larantuka urutan ke pira tujuan wisata te NTT? ...nekun semangat untuk membagun lewo tana piin mae loke nekun harus tede ne tepat sasaran pembangunan sekola palin wali
salam lewo tana
Uskup
Larantuka. Mgr. Fransiskus Kopong Kung mengatakan, Keuskupan Larantuka
akan menggandeng Yayasan Gerakan Kepedulian Angkat Citra Orang Papa
(ANCOP) untuk membangun Sekolah Menengah Kejuruan (SMK) Bidang
Pariwisata dan Perikanan. Rencananya Kegiatan Belajar Mengajar (KBM)
akan dimulai tahun anjaran 2015-2016. - See more at:
http://www.floresbangkit.com/2014/03/keuskupan-larantuka-bangun-smk-pariwisata-dan-perikanan/#sthash.gqUy8RW2.dpuf
Uskup
Larantuka. Mgr. Fransiskus Kopong Kung mengatakan, Keuskupan Larantuka
akan menggandeng Yayasan Gerakan Kepedulian Angkat Citra Orang Papa
(ANCOP) untuk membangun Sekolah Menengah Kejuruan (SMK) Bidang
Pariwisata dan Perikanan. Rencananya Kegiatan Belajar Mengajar (KBM)
akan dimulai tahun anjaran 2015-2016. - See more at:
http://www.floresbangkit.com/2014/03/keuskupan-larantuka-bangun-smk-pariwisata-dan-perikanan/#sthash.gqUy8RW2.dpuf
Rabu, 02 April 2014
Doa Hendak Berlindung
Pali wali goe onok berea loke halaku maka nolon sain pali wali kia goe bene koi ketun nane ata marin sembayan Hendak Berlindung .Ade Oa Laura / Face book onon goe tobo tuhun tahin nae akhir naen we ne nae tulis te fb nemuron .goe neken take di copy paste pi ono ka....sembayan piin belaha loke nekun di wewel sain pali wali ketok tak diketun hala ...wewel polen gadak heti hau nemuron hamun.Trima kase aja loke oa Laura ..goe paken kalo moe teik prae lewo maka moe bisa jadi bo ketua santa Agnes Renha Rosari kae o .
Nokon geten nene kamen Peni Bethan wi ka,tobo ketenuk loke mio piin anen ne sembayan nekun piin hena di hukut bisa hala.....goe nekun tapan nae ni di " nene mama e..nolon we ata sembayan alant we tene tou ,nekun sekarang wi ata kediken aja loke kae ..jadi sembayan peen we mesti taan ne singkat berua temae...polo santa bunda di kewenger te mae " Nae dein hiin gahak goe nemuron hamun ka......
HENDAK BERLINDUNG
Hendak berlindung Ya Santa Bunda Allah, kami datang berlari kepadamu. Janganlah kiranya Kau tolak permintaan kami , dalam kesusahan kami . Hanya luputkanlah kami selalu dari segala bahaya.
Ya Perawan mulia dan terberkati ,ingatlah Maria perawan yg amat baik, bahwa belum pernah didengar . maka seorang yg berlindung kepadamu meminta bantuan mu dan mohon sembahyang mu sudah kau tinggalkan oleh mu juga.
Ya perawan segala perawan, Ya Bunda kepadamu berlari aku, digerakan oleh sedemikian itu. Kepadamu aku datang di hadapanmu aku seorang berdosa , berdiri seraya mengadu.
Ya Bunda Al kalimat, jangan aibkan perkataan ku, hanya serta berkasihan dengarkanlah aku dan luruskan lah permintaanku . Amin
Nokon geten nene kamen Peni Bethan wi ka,tobo ketenuk loke mio piin anen ne sembayan nekun piin hena di hukut bisa hala.....goe nekun tapan nae ni di " nene mama e..nolon we ata sembayan alant we tene tou ,nekun sekarang wi ata kediken aja loke kae ..jadi sembayan peen we mesti taan ne singkat berua temae...polo santa bunda di kewenger te mae " Nae dein hiin gahak goe nemuron hamun ka......
HENDAK BERLINDUNG
Hendak berlindung Ya Santa Bunda Allah, kami datang berlari kepadamu. Janganlah kiranya Kau tolak permintaan kami , dalam kesusahan kami . Hanya luputkanlah kami selalu dari segala bahaya.
Ya Perawan mulia dan terberkati ,ingatlah Maria perawan yg amat baik, bahwa belum pernah didengar . maka seorang yg berlindung kepadamu meminta bantuan mu dan mohon sembahyang mu sudah kau tinggalkan oleh mu juga.
Ya perawan segala perawan, Ya Bunda kepadamu berlari aku, digerakan oleh sedemikian itu. Kepadamu aku datang di hadapanmu aku seorang berdosa , berdiri seraya mengadu.
Ya Bunda Al kalimat, jangan aibkan perkataan ku, hanya serta berkasihan dengarkanlah aku dan luruskan lah permintaanku . Amin
Gelu kila
Goe marin kae suka moe oa dona
bera ..bera weli hupon opu belake
hulan kebala weli tawa gere
goe weli antar maso hua malu
koda geto pali wali gelu kila
moe ne goe tuan ne raja
ooo bapa suku ema suku pana bera mete rekadu
gelu giwan rejun rentu
oa ..oa ..oa dona goen e
selen lere pehelok lere lere
pali moe ne goe maso bilik
bera ..bera weli hupon opu belake
hulan kebala weli tawa gere
goe weli antar maso hua malu
koda geto pali wali gelu kila
moe ne goe tuan ne raja
ooo bapa suku ema suku pana bera mete rekadu
gelu giwan rejun rentu
oa ..oa ..oa dona goen e
selen lere pehelok lere lere
pali moe ne goe maso bilik
Jumat, 14 Februari 2014
Kamis, 09 Januari 2014
uran warat onon
Ipas, ue malar,ue nomi : makanan piin wi sebagai makanan musim uran warat onon. Ipas , ue malar , ue nomi kia tenaken kae prae lewo , nekun pukon nolon kenen mama goen nolong suka naan masakan piin jadi sain pali wali goe di rasa wewel goen hama noro telen ilu kalo kewenger ka tutu koda makanan piin wi.
Rebaon ongo hau , mama tobo dahe ne ape luran meten naan ue nomi, pelatin mor beten soga pe keloton onon lodo, tobo di hemek ue nomi di. Mama goen take kae nekun goe noro hukut loke mor cara cara raan ue nomi :
1 bajo ue malar
2.ayak ue sain belusuk
3. Ue malar sampor ne wai pelatin , sampor ne tapo kalo ne tenasu noon di kemi mae loke peen we
4.Dena wai te keloton , maso ue bajon kaen we pe korak onon nekun korak huint we tao ne kenema hama tanda salib we polo ue nomi tahak we di te gampa soga lodo
leron peen goe hukut mor di....ue nomi pelatin tobo dapet pe dapo onon we...nahu di nahu ....
Rebaon ongo hau , mama tobo dahe ne ape luran meten naan ue nomi, pelatin mor beten soga pe keloton onon lodo, tobo di hemek ue nomi di. Mama goen take kae nekun goe noro hukut loke mor cara cara raan ue nomi :
1 bajo ue malar
2.ayak ue sain belusuk
3. Ue malar sampor ne wai pelatin , sampor ne tapo kalo ne tenasu noon di kemi mae loke peen we
4.Dena wai te keloton , maso ue bajon kaen we pe korak onon nekun korak huint we tao ne kenema hama tanda salib we polo ue nomi tahak we di te gampa soga lodo
leron peen goe hukut mor di....ue nomi pelatin tobo dapet pe dapo onon we...nahu di nahu ....
Langganan:
Postingan (Atom)