leron pana gawe kenate
tena hobe lau angant pukon
ekan miten leron pana bali hala
sare goen piin peten atek
leren rodi bauk ape nutok golo kenema
lali orin wai pelatin goe tobo tolo lotor
plate plutuk kaan pana tine ma
etan ribet ..go olak kaan sare
tawa gere no tawa gere era
Lali tapo pukon heti bao liman
lera palin wali pelate loke jaha
onek kuran tawa take
soron gere uran warat kaan be jaga
prae wato kedosor tana mae
pe lodo we koli tawa tuak pukon tou
ema no bapa pana penoko wati balik hala mor
leren mete gere sain lali ile helut
peten jaga ...lau majan bera dai
ema no bapa pe laran piin goe jaga
sola wato uran terie
kame lali laran jaga
hode rae ata belen
noon bala noon lipa
iwit kenawe taan ne maen hamu....
Waibalun be my the end of the world...everlasting heart......
2 komentar:
Reu, blog moen mela-mela, mo koda mang lohumen. go suka basa mo koda kiring tang peten lewo tanah.
mo naranem heku?
salam
bernie, surabaya (ile ape lewun)
Rae rae lowo tana marin , rae ata geniken yang paling mae jaga lewo tana...weken kaen ke no pe opok hamun...goe percaya rae hala...Lewo tana goen nimun lewok goen nimun atek goen bele gere tawa gere ne maen sare hamu ...lewo goen kudi lelen bala au mata raka...rae marin ...rae jaga koda ..jaga suku...jaga gelekat sare tuan tana...nekun ...laran raen elen hamu....lewo goen belen Le Balun...mei goen tawa gere...goe jaga lali Nuba igo...pe laran peen goe jaga koda ...goe jaga suku..goe jaga adat...adat goen ..onek goen...atet goen..nimun tawa rae Lewo Waibalun...
Thanks
Posting Komentar