Penoko wati,lera beten tawa gere,manuk gokok,tahik lau soo kae,ata ema goen pana majan laran,peneko wati peen nae naik lau to o bapa Beda Toti tena,ika wara,serea,dome,hode tao te basi onen,hungon waat ata pelele ika,untu nekun ratu lema,tapi taan be a,weke kaen seba morit.Laran peen pelate jaha,lein amu,hungun ika sain teti posto,ema goen peen pana wegit jaha,ikan kulu pulo untu ribu lema,taan hope tahan kilo tou,gula pasir,ne tebako nein laken nae.Ema goen nimun ata saren...nuan pain ata kawe gate ema goen duun wawe ,peten nae jaha,penoko wati kalo ait ika hala nae ne laken nae rae ongon rai gepu ue lolon,moton lolon,besi lolon,paja huan,paja puhun nete duun heti jawa.Ema goen nimun jaga bala laran nai lau watan nai seba kaen kerimot polo tisi deko nein kame logek...ata iker raan be marin kame..mio piin we e e..logek ata ekang maan a di....ema goen mian tenake aten naen lere lere...Geka gerisek jaha kalo nae onen berea...nae nai lali oko nai duun selan tapun,boti tou ratu pito pulu lema..seba morit piin susa jaha..pelaran susa peen we kame pana maan be sena,taan be a pa kame matan tenake jadi sekola wahak hala,naan apu,ola ongon,naan wato mean polo bisa nein kame mekan.

He mio e..goe peten rae jaha pe leron matan getan uran angin nokon doen plae lali welo tobo jaga seru wato mean,Kajo reo belen bapan hama pa goen leba taan seru wato.Wato kulun ribu welin naen ribu pulu telo peek ke di bagi ne tuan tana ..ema ne pa goen nekun ait ribu pulu rua hena.Naan pate doi sekola kame ana ata telok.Tata te wutun no belen nae tamat sekola jadi guru nekun jadi guru honor hena ait doi ribu lema naan pate wekin naen hena,peten nae jaha nai mengajar teti Waibawadan balik hae nete ne penyake malaria tropika...no e moe peen maan pa ne mama susa jaha nekun rae peten moe jaha ka...Tata goen tenga nae te mae ,wekin naen taa jaha ..nae ana te mae jaha..kerian di kerian jaha..kame ruak morit hama hama lau lango belen ,mekan menun hama hama...kame ruak sayang wekik jaha.Kame ruak onek sena jaha telango kame ne pao pukon rua bele jaha,huan aja jaha ,muda pukon rua bele jaha huan tenepa...

Goen nimun onek senaren tede pa goen leba wato utan tao lau laran rekan .kubik tou nae duun ribu pulok lema.Kerian a weke kaen nae kerian hamu ...polo bisa nein kame mekan...Pa goen peen bemeren jaha...petutu di kuran jaha...nekun aten nae bura jaha..nae naan ata onek belara hala,ata susa pukon nae hala,nae tobo nekun kewenger hena...aden nae weke kae peten nae jaha .
Pa e e..moe peen di mae jaha moe ajar kame mae jaha,tutu akan aja bain tapi lima harus pana kerian terus..ola netak pe en we..goe hukut moe jaha,lali Heras peen we moe buka ongon pertama ne kerama kedila aja jaha..taan be a..rae marin tana peen moen hala..jadi moe ait a tou di hala..moe peen we mae jaha lere lere aten moe...

Waktu nene pa ne nene mama morin mo,rae sayang moe jaha,nene pa takut ne moe jaha tapi moe dore rae jaha...goe peten moe jaha..atek goen dewa jaha hukut moe...taan be a pa e...ata iker marin tite piin ata kerimot alant neken moe mae jaha ...Om domi marin moe kalo mata maso surga onen puna puna...goe juga marin ne we....

Susa keniki wata take
alet lali malu mara
niku weli rae ata rayan
taan be tite soron onot

peten goe peten
taan pana pe laran piin
tula tenula taan pate laran nimun
koda senaren leran naran

mio e pe teti pelali
kame piin ana ata raan be kibo libo
morit susa atet sena
taan tede koli laran
tite kaka noon arin
ama tou alet tou

Thk to my Parents
He told to me " no e..kalo dapo moen hemo hala ekan logek labu welin bain
susa sena maan maen hamu..ekan nonin a aja bae polo ekan bengang bain "