Nokon piin gelete jaha...gelete loke sama sekali...angin watan hotel tugu bru brutak .Tobo mehak hena te meja FO...kerian jam 11 nokon sain jam tuju legulon.Laporan aja jaha tobo tege lege,kerian nokon sain legon sambo legulon san rebaon.weke kaen seba morit,susa sena taan maen hamu.
Pali nokon piin goe hukut lau watan air bao,angi dehin dai,gelete dulat.....
Nokon meten ekan mite,mete gelete,meten sepi sama sekali...mehak hena tobo te lobby...nokon matan getan hama ni terus.Nokon hae tobo peten rae lewo jaha ,ema ne bapa goen tobo,turuk mehak hena,ana weken kaen doen hamu kae.Beten pela leron goe telpon rae...ran raen bain meten tua kae,pa nolon taa jaha ,ran naen nolon petutu koda mae jaha nekun taan be a umur meten aja jaha kae.Tuan Deo jaga rae ruak mae mae bua siu e.....rae meten tua,matak tede di ketun hala kae,rae perae kia raan be rogo rega kae....peten jaha ...tun lema kae goe herun rae hala.Sekarang jam satu legulon kae...e ema e pia gelete jaha di......
Tonga teti kelen hutun ,petala buno aja jaha nekon koko hulan tenaken,Bali nukon tede mae jaha,nekun pali nukon piin goe hukut kala lewo tana goen Waibalun.weli gereja St.Igantius Layola,nene pa Todo ne nene mama Peny setiap legulon rae dore gereja mae jaha...sain rae pana rewerehik baru rae heke raik gereja rai...ai Lewo tana e...pali nokon matak goen loun lengat lodo pukon hukun lewo goen tana belen lewo waibalun.Rae Kapela St Antonius Padua...Nene pa suka marin goe...cucu e...nae peraen we ata kediken ,nae peen morint....nae peen patung hala.....jadi kalo kaik ongon kai goe pasti gelinge lewat kaca nako...hae ke nae majan goe....Nene pa Nene mama goe hukut mio ruak jaha....ei ema e...goe tani di....Mio teti kelen onen laran sare onen,morit mio mae jaha,rohani mio mae jaha,mio ajar kame sembayang rosario peristiwa lema harus getan tali ne doa Hendak Berlindung ne 3 X salam maria .....mae jaha ,tenang mae jaha goe morit ne mio weria nolon....mae peen mae jaha......Nene Pa goen Todo e e goe nenang sembayang tede jaga Pa Inggu ne mama Mia perae lewo tana berua.Nene Mama Peni,lein lima moe kelea jaha...ana cucu moe ,moe nei gan hala di a ..yang penting ata iken moe bantu molo...moe peen mae jaha.....Goe nenan tede to jaga lango belen oyang Luga Bethan nae siu o....
Pali nokon piin wi a naan ka..goe hukut rae jaha ( Nene Pa Todo Tukan,Nene Mama Peni Bethan)
Goe kodi tutun padu te gereja hari minggu bauk ere rua e....
Koda kenirin pulo ribu ratu lema,ema noon bapa goen rae lewo tana,kalo pali nokon mio turonk ekan gelupa turonk goe...
Lewo goen doen rae ile mandiri pukon
ate goen tawa rae tana kudi lelen bali
doan sama ile lewa liko
peten hukut jaga kame balik too mio
Lewo goen tana ana ata jadi
bele gere kame pana
tawa gere kame jaga mula wana
koda senaren jaga kame rae Ile mandiri pukon
2 komentar:
Ama, go di peten Hendak Berlindung nong Ya Yesus Yang Baik, kemudian kantar Kepada-Mu Bunda Prawan...
Ata Katolik Surabaya pia Surabaya roi hala, biasa hala doa Hendak Berlindung. Untung go basa tulisan moen, pi leron go peten sembahyang ulun nepi.
Salam dompet!
Hai No goen Tuan raja e...
Nene oyang nolong rae sembayang wekekaen getan,jam 12 lero rae ongon onen juga rae sembayang " Angelus "Hari minggu ekan hamu elan ape dapo hemo bele bisa hala,tobo te lango kerian di bisa hala....setiap jam 7 nokon rae seba goe terus pai maan hama hama sembayang keluarga.
Doa Hendak Berlindung peen mae jaha...nekun belaha ajak hae....hafal susa jaha...wewel suka marin elen hamu...pek ke di lintani orang kudus...ei nene goen pe we sama sekali santo santa wekekaen harus marin naran getan...elen bisa hala...
Nolon buku kumpulan doa " Bapa Kami " we mae jaha...doa weken kaen noon amu,nekun a naan ka percetakan Nusa Indah gehik cetak aja hala..mungkin rae roir kalo tite rae lewo pemalas sembayang ...
Ade kame tou teik peli Surabaya...naran naen Once Halan,soban nae ata Lembata..keria te rumah sake Ankatan Laut te SUB wali...haek ke mio kenal wekike.....
he e i i ..nolon we ata raan be salam dompet hamu....
Posting Komentar